Պատմական այց Հայաստան. ինչպիսին կարող է լինել եգիպտական բաղադրիչը Հայաստանի անվտանգության «բուրգում»
Ինչ օրակարգով է ռեգիոն և մասնավորապես նաև Հայաստան ժամանում Եգիպտոսի նախագահը: Սա հայտնի չէ, թեև այցն անշուշտ կարևոր է անկախ ամեն ինչից, քանի որ Եգիպտոսը թե արաբական աշխարհի, թե աֆրիկյան մայրցամաքի ազդեցիկ խաղացողներից մեկն է: Առավել ևս, որ այցը պատմական է՝ Եգիպտոսի նախագահը Հայաստան է ժամանում առաջին անգամ:
Հայաստանի նախագահի նստավայրը հայտնում է, որ ռեգիոնալ այցի շրջանակում առաջիկա օրերին Հայաստան կժամանի Եգիպտոսի հանրապետության նախագահ Աբդել Ֆաթթահ ալ-Սիսին: Նա մինչ այդ լինելու է Հնդկաստանում, նաև Ադրբեջանում: Ինչ օրակարգով է ռեգիոն և մասնավորապես նաև Հայաստան ժամանում Եգիպտոսի նախագահը: Սա հայտնի չէ, թեև այցն անշուշտ կարևոր է անկախ ամեն ինչից, քանի որ Եգիպտոսը թե արաբական աշխարհի, թե աֆրիկյան մայրցամաքի ազդեցիկ խաղացողներից մեկն է: Առավել ևս, որ այցը պատմական է՝ Եգիպտոսի նախագահը Հայաստան է ժամանում առաջին անգամ: Այդուհանդերձ, շատ կարևոր է, որպեսզի այցը բացի այսպես ասած նշագրման ենթակա լինելուց, պարունակի նաև առարկայական օրակարգ, որը թույլ կտա Հայաստան-Եգիպտոս հարաբերությունը խորացնելով բացել թե տնտեսական, թե քաղաքական նոր հեռանկարներ:
Եգիպտոսը ներկայումս ձգտում է ամրապնդել իր դերը ասիա-աֆրիկյան «հատման» առանցքային այն գոտում, որ զբաղեցնում է, փաստացի լինելով թե ասիա-արաբական աշխարհների, թե աֆրիկյան ուղղության կարևոր դերակատարներից մեկը: Այդ առումով հատկանշական է, որ Եգիպտոսի նախագահը Կովկաս է ժամանելու Հնդկաստան այցից հետո: Հնդկաստանի ու Եգիպտոսի հարաբերությունը ունի բավականին սերտ օրակարգ ու պատմություն: Եգիպտոսի նախագահը արդեն իսկ ունի Մեծ Քսանի Վեհաժողովին մասնակցելու հրավեր Հնդկաստանից: Հնդկաստանը նախագահում է այդ կառույցում, նախագահողի կարգավիճակը ստանձնել է 2022 թվականի դեկտեմբերին, իսկ Մեծ Քսանի Վեհաժողովը տեղի կունենա Հնդկաստանում 2023 թվականի սեպտեմբերին: Ներկայիս այցը Հնդկաստան, համընկնում է Հնդկաստանի օրվան, և Եգիպտոսի նախագահ Սիսին լինելու է դրա տոնակկատարության հատուկ հյուրը: Կահիրեն փորձում է իր դերն ամրապնդելով խորացնել Եգիպտոսի մասնակցությունը տրանսպորտային մեծ նախագծերին, որոնք կապված են նաև Հնդկաստանի հետ: Զուգահեռ, Հնդկաստանն էլ իր հերթին հավակնում է ընդլայնել իր տնտեսա-քաղաքական դերը դեպի արևմտյան ուղղություն՝ Աֆրիկա, Միջերկրծովյան ուղղություն, որտեղ Եգիպտոսը ունի առանցքային դեր: Այդ համատեքստում, հիշենք Հնդկաստանի մոտեցումները նաև կովկասյան ռեգիոնի ուղղությամբ, և Դելիից հետո Եգիպտոսի նախագահ Սիսիի այցը խոսում է այն մասին, որ Կահիրեն ու Դելին այստեղ կարող են ունենալ համատեղ դերակատարում, ըստ այդմ սա հայ-եգիպտական հարաբերության խորացման միջոցով նաև հայ-հնդկական հարաբերության հետ «կոմբինացված» էֆեկտ ստանալու մեծ հնարավորություն է:
Անկասկած է, կրկնեմ, որ Եգիպտոսի նշանակությունը չի կարող լինել լոկ դա, քանի որ Կահիրեն առանցքային դերակատարներից է նաև մերձավորարևելյան ռեգիոնի անվտանգության ճարտարապետության մեջ: Այստեղ թերևս կարևոր է նաև այն, որ Կահիրեն ներկայումս փորձում է բարելավել հարաբերությունը Թուրքիայի հետ, իսկ այդ հանգամանքը Հայաստանի համար կարող է լինել անուղղակի իմաստով մերձավորարևելյան ռեգիոնում և դրանից դեպի Կովկաս «բխող» անվտանգային ռիսկերը կառավարելու կարևոր մեխանիզմներից մեկը, և լինել նաև հենց Կովկասում մթնոլորտի կառավարելիությանը նպաստող անմիջական գործոն, հաշվի առնելով և այն, որ Կահիրեն բավականին կառուցողական հարաբերություն ունի նաև Մոսկվայի հետ:
Աղբյուր՝ 1in.am
Նմանատիպ Լուրեր
Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշումն այդ առնչությամբ հայտնի է, այն առաքելության տեղակայումից ի վեր բարձրաձայնվել է մի քանի անգամ: Սակայն արդյո՞ք արժե վստահաբար պնդել, որ այն, ինչ բարձրաձայնվում է, արտացոլում է ամբողջական եւ խորքային մոտեցումը: Թե՞ «ժանրի կանոնի» համաձայն դժգոհելով այդ տեղակայումից, իրական քաղաքականության խորքային ռեժիմում Ռուսաստանը այդքան էլ դեմ չէ, որ Եվրամիությունն այդ կերպ հայտնվի Ադրբեջանին զսպելու հարցում պատասխանատվության տակ, ինչը Մոսկվան կարող է դիտարկել Կովկասում իր հանդեպ երկրորդ ճակատի հրահրման կանխարգելիչ գործոն:
Պուտինի ակնարկը եւ Բլինքենի զանգը
Հայտնի է դարձել, որ կայացել է պետքարտուղար Բլինքենի եւ Թուրքիայի արտգործնախարար Ֆիդանի հեռախոսազրույցը: Ֆիդանը, ինչպես թուրքական լրատվամիջոցներն են փոխանցում, Բլինքենին առաջարկել է օգտագործել Իսրայելի նկատմամբ ազդեցությունը, հասնել կրակի դադարեցման, որից հետո Իսրայելը պետք է նստի բանակցությունների սեղանի շուրջ «երկու պետություն սկզբունքով հարցը կարգավորելու համար»:
Ինչո՞ւ էր Թուրքիայի արտգործնախարարը մեկնել Բաքու»
Ինչպե՞ս է Թուրքիան պատկերացնում հայ-ադրբեջանական, հայ-թուրքական հարաբերությունների կարգավորումը:
Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Եթե մինչև վերջերս ժողովրդավարությունը և Եվրոպան ավարտվում էին Վրաստանում, ապա հիմա, Վրաստանին թեկնածուի կարգավիճակ շնորհելով, Արևմուտքը հայտարարում է, որ Եվրոպան ավարտվում է Հայաստանում։
Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Քաշմիրի հակամարտության հիմնական կետերի համառոտ ակնարկը:
Կանադայի հայտարարությունը չպետք է անարձագանք թողել. Շահան Գանտահարյան
Կանադան ողջունում է երկու ադրբեջանցի և 32 հայ զինծառայողների ազատ արձակումը և դրական է գնահատում այն աջակցությունը, որ երկրները ցուցաբերել են միմյանց նկատմամբ միջազգային ատյաններում։
