ՀԱՅԱԶԴ կայք
ՀԱՅԱԶԴ կայք
Իրանահայ համայնքի գործարարների ներգրավումը՝ Իրանի և Հայաստանի արդյունաբերական բաժնի և տնտեսական զարգացման ոլորտում

Իրանահայ գործարարները առաջարկում են Իրանում ստեղծել հայ և իրանցի գործարարների և արհեստավորների համատեղ ընկերություններ և Հայաստանի ֆինանսների և արդյունաբերության նախարարությունից փորձագիտական խորհրդատվություն ստանալով՝ պահանջված արդյունաբերական նախագծեր իրականացնել Հայաստանում:

Իրանահայ համայնքի տեխնիկական և արհեսագիտական ու առդյունաբերական լայն հնարավորություններն ու ֆինանսական ներուժը պետք է մոբիլիզացվեն Իրան-Հայաստան տնտեսական և մշակութային հարաբերությունների և հայ գործարարական շրջանակի համագործակցությունների ընդլայնմանը, քանի որ միայն ֆինանսական զգալի աղբյուրներով հնարավոր է հայ դատի ուղղությամբ քարոզչական աշխատանք տանել և հասնել ցանկացած արդյունքի:
Իրանի հայ համայնքի գործարարական դաշտը խոպան է մնացել
Հայաստան-Իրան համագործակցության որոշակի բացակայության պատճառով: Այժմ պետք է մտածել  Իրանի և Հայաստանի բիզնես դաշտում  ներդրում անելով  ավելի հզորացնել համայնքի տնտեսական կարողություններն ու հնարավորությունները, որը կարող է խթանել Իրան-Հայաստան տնտեսական հարաբերությունների արավել ամռապնդմանն ու զարգացմանը: Այս ոլորտում բացակայում է տեսական և գործնական միտումները: Այստեղ է, որ Հայաստանի կառավարությունը, Իրանում ՀՀ դեսպանությունը և համայնքի շահագրգիռ գործարարական շրջանակը համագործակցության եռանկյունի ստեղծելով, պետք է փորձեն Իրանի հայ համայնքի գործարարներին, արհեստավորներին և բիզնեսմեններին ի մի բերելով՝ նրանց ներուժն օգտագործել Իրան-Հայաստան տնտեսական հարաբերությունների զարգացման ուղղությամբ: Իհարկե, դա պետք է կատարվի Իրանի պետության, ֆինանսների և արդյունաբերության նախարարությունների իրազեկությամբ ու համագործակցությամբ: Դրա իրավական և գործադրական մեխանիզմների մասին պետք է ոլորտի փորձագետները ծրագիր մշակեն և մասնագիտական աշխատանք տանել պլանը կյանքի կոչելու համար
Միջպետական մակարդակում համատեղ նախագծերն, համաձայնագրերն ու ստորագրված հուշագրերը կյանքի կոչելու անհրաժեշտությունից բացի, առանձնապես նաև պետք է կարևորության տալ իրանահայ համայնքի մարդկային և ֆինանսական ու արդյունաբերական ռեսուրսների նպատակաուղղված օգտագործմանը՝ Հայաստան-Իրան հարաբերությունների զարգացման դաշտում: Իրանահայ համայնքում աշխատում է` Իրանահայ Բիզինես Ֆորումը և Իրանի հայ արհեստավորների միությունը: Իրանահայ Առհեստավորների Միության անդամ են Իրանի արդյունաբերողների և տեխնիկական արտադրամասերի խոշորագույն կոմբինատների սեփականատերներն ու տնօրենները, որոնք մասնագիտական մեծ ներուժ ունեն Հայաստանում ներդրում կատարելու համար: Ցավոք Իրանահայ արհեստավորների, գործարարների և ձեռնարկատերերի  ներուժը բավարար չափով ու կազմակերպված ձևով  չի ուղղորդվում Հայաստանում տնտեսական և արդյունաբերական ակտիվ գործունեություն ծավալելու համար:



Այս խնդիրը կարգավորելու համար իրանահայ իրազեկ գործարարները ներկայացրել են հետևյալ առաջարկները. Հնարավորության դեպքում Հայաստանի ֆինանսների և արդյունաբերության նախարարությունների նախաձեռնությամբ Երևանում ստեղծել իրանահայ գործարարների համար խորհրդատվական գրասենյակ, որտեղ իրանահայ գործարարներին կներկայացվի Հայաստանի տարբեր մարզերում պահանջվող ներդրումային և արտադրամասերի ստեղծման նախագծեր: Նախագծերը պետք է ունենան տնտեսական հիմնավորում և պետական ու Հայաստանի բանկերի աջակցության երաշխիք: Իրանահայ գործարարներն ու ներդրողները պատրաստ են Հայաստանում արհեստանոցներ և արտադրամասեր ստեղծել իրանահայ արհեստավորների և գործարարների համատեղ ջանքերով և հայաստանցի արհեստավորներին աշխատանքի ընդունել գործարաններում: Իրանահայ գործարարները առաջարկում են Իրանում ստեղծել հայ և իրանցի գործարարների և արհեստավորների համատեղ ընկերություններ և Հայաստանի ֆինանսների և արդյունաբերության նախարարությունից փորձագիտական խորհրդատվություն ստանալով՝ պահանջված արդյունաբերական նախագծեր իրականացնել Հայաստանում: Հնարավոր է Իրանում ՀՀ դեսպանության կողմից և Հայաստանից ժամանած համապատասխան նախարարությունների ներկայացուցչի մասնակցությամբ հանդիպում կայացնել տարբեր ոլորտի՝ իրանցի և հայ արհեստավորների և գործարարների հետ, Իրանի հայ արհեստավորների և գործարարների շրջանակում և քննարկել համատեղ գործակցության և ներդրումների հնարավորությունը: Նախընտրելի է հանդիպումները կայացնել տարբեր օրերում, ըստ մասնագիտական կատեգորիաների, որպեսզի խաչաձևում չառաջանա տարբեր արդյունաբերական ոլորտներում աշխատող արհեստավորների ու գործարարների միջև: Հնարավոր է, Իրանի հայ տնտեսագետներին և համալսարանների դասախոսներին հրավիրել խորհրդակցական հանդիպման և նրանց առաջարկների հիման վրա՝ մշակել գործարարական համատեղ պլաններ: Հայաստանի երկքաղաքացիություն ունեցող իրանահայերը ցանկանում են Հայաստանի կառավարությունը Արևմտյան երկրների և ԱՄՆ-ի հետ այնպիսի պայմանավորվածության հասնի, որ իրենց հայկական անձնագրում նշված ծննդավայրի մասին կետը չխոչընդոտի իրանահայերին բիզնես գործողությունների համար, չկարողանալ Եվրոպայից կամ ԱՄՆ-ից ապրանք ներմուծել Հայաստան: Հայաստանի երկքաղաքացիություն ունեցող իրանահայերն ակնկալում են, որ Հայաստանի կառավարությունը պաշտոնապես ճանաչի իրանահայերի բիզնես և գործարարական իրավունքները Հայաստանի քաղաքացիներին համահավասար և պաշտպանի նրանց իրավական ու տնտեսական շահերն արտերկրում: 



Մանր և միջին բիզնեսի և աշխատավայրերի զարգացման նպատակով առաջարկվում է՝ Երևանում կամ Իրանի սահմանին մոտ քաղաքներում ստեղծել իրանական ապրանքների շուկա կամ բիզնես ֆորում, որտեղ կտեղակայվեն վաճառքի տաղավարներ և Հայաստանում բնակվող իրանահայ և հայաստանցի երիտասարդների համար կստեղծվի աշխատատեղեր: Արդյունաբերական համատեղ նախագծեր իրականացնելու նպատակով առաջարկվում է ստեղծել տեղեկատվական կենտրոն կամ կայք, որտեղ Հայաստանի սպառողական շուկայի պահանջները թարմացված ձևով կտրամադրվի գործարարներին: Գործարարների փոխայցերի ընթացքում հնարավոր է կազմակերպել մի շարք հանդիպումներ Իրանի ֆինանսների, արդյունաբերության և գյուղատնտեսության նախարարությունների բարձրաստիճան պաշտոնյաների, ինչպես նաև գործարար շրջանակների և արդյունաբերական բաժնի ներկայացուցիչների հետ: Հայաստանում աշխատող փորձառու գործարարներն ընդգծում են՝ արդյունավետ քննարկումներին նպաստող միջավայրի ստեղծման անհրաժեշտությունը և համատեղ արդյունաբերական ձեռնարկությունների նախնական քայլերին նպաստող ուղղության հստակեցումը և հայ ու իրանցի գործարարական շրջանակներին խրախուսում են ակտիվացնել նման ջանքերը: Հայաստանում արեւային էներգիայի տեխնոլոգիաների զարգացման ոլորտում արեւային պանելների արտադրման գործում հնարավոր է օգտագործել իրանահայ արհեստավորների փորձն ու տեխնիկական հնարավորությունները։ Իրանի արհեստավորներն առաջին խոսքն են ասում պլաստմասե ապրանքների և իրերի կաղապարաշինության արդյունաբերությունում: Հետևաբար` հնարավոր է նրանց փորձը և ներդրումն օգտագործել Հայաստանում այդ արդյունաբերությունը զարգացնելու համար: Դա կօգնի նաև, Թուրքիայից այդ ապրանքները ներմուծելու կախվածությունից փրկվել և մեծ թվով պլաստմասե ապրանքներ արտադրել Հայաստանում: Ծանր մեքենաշինության արդյունաբերության ոլորտում ևս Իրանի հայ արհեստավորներն իրոք առաջին տեղն են զբաղեցնում Իրանում և նրանց արտադրած մեքենաներն օգտագործվում են ամենատարբեր գործարաններում է արտադրամասերում: 



Նույնիսկ, կան շատ ճանաչված մեքենաշինության գործարաններ հայկական բրենդով, որոնք բազմիցս արժանացել են Իրանի արդյունաբերության նախարարության գնահատանքին:
Մյուս կողմից, եթե Իրանի հայ գործարարները և բիզնեսմենները կարողանան պետական աջակցությամբ Հայաստանում ստեղծել արդյունաբերական արտադրամասեր, ապա հնարավոր է բանկում պահվող իրանահայերի արտարժույթը օգտագործել գործարանների ստեղծած գործարանների կամ արդյունաբերական համալիրների բաժնետոմսեր գնելու համար: Անկասկած այս պլանների իրականացումը կօգնի Իրան-Հայաստան տնտեսական, առևտրական և հասարակական կապերի և փոխշահավետ բիզնես գործակցության զարգացմանը։
Սահակ Շահմուրադյան


ՀԱՅԱԶԴ կայք Նմանատիպ Լուրեր
շնորհավորանք , Շնորհավորանք
Շնորհավորանք
Ջերմորեն շնորհավորում ենք Ձեզ ծննդյան տարեդարձի առթիվ: Դուք հայ իրականության մեջ գոյություն ունեցող բարեգործական և հասարակական ու մշակութային ավանդույթների լավագույն շարունակողն եք:
սմաբ,բիզինես-ֆորում,հմհֆ , Անդրադարձ՝ «ՀՄՀՖ»-ի «ՍՄԱԲ» կենտրոնի և ԲՖ-ի 2022 թվականի գործունեությանը
Անդրադարձ՝ «ՀՄՀՖ»-ի «ՍՄԱԲ» կենտրոնի և ԲՖ-ի 2022 թվականի գործունեությանը
Տարեվերջի ավանդության համաձայն «Հայազդ» լրատվական կայքը ամփոփել է «ՀՄՀՖ»-ի «ՍՄԱԲ» կենտրոնի և Բիզինես Ֆորումի գործունեության տարին, առանձնացնելով 2022 թվականի կարևորագույն մշակութային իրադարձությունները։
հայաստանի,և,իրան , Հայ-իրանական հարաբերությունները որքան հարուստ պատմություն, նույնքան էլ մեծ ներուժ և խոստումնալից ապագա ունեն
Հայ-իրանական հարաբերությունները որքան հարուստ պատմություն, նույնքան էլ մեծ ներուժ և խոստումնալից ապագա ունեն
Հազարամյակներ շարունակ իրար հարևանությամբ ապրող հնդեվրոպական երկու հնագույն ժողովուրդները՝ հայերը և իրանցիները, տոնում են իրենց ժամանակակից պետությունների՝ Հայաստանի Հանրապետության (ՀՀ) և Իրանի Իսլամական Հանրապետության (ԻԻՀ) միջև դիվանագիտական հարաբերությունների հաստատման 30-րդ հոբելյանական տարեդարձը: ՀՀ-ԻԻՀ դիվանագիտական հարաբերությունները հաստատվել են ուղիղ 30 տարի առաջ՝ 1992 թ. փետրվարի 9-ին:
սահակ,շահմուրադյան , Իրանի հայ համայնքն ունի շատ մեծ պոտենցիալ տնտեսական ներդրում անելու Հայաստանում
Իրանի հայ համայնքն ունի շատ մեծ պոտենցիալ տնտեսական ներդրում անելու Հայաստանում
Պետք է նկատի առնել, որ Իրանի հայ համայնքը մարդկային ռեսուրսներով և կապիտալով ունի շատ մեծ պոտենցիալ տնտեսական ներդրում անելու Հայաստանում:
իրանի,հայ,համայնքը , Սփյուռքում ոչ մի համայնք այնքան չի ազդվում Հայաստանում տեղի ունեցող սոցիալ, քաղաքական և մշակութային զարգացումներից որքան՝ Իրանի հայ համայնքը
Սփյուռքում ոչ մի համայնք այնքան չի ազդվում Հայաստանում տեղի ունեցող սոցիալ, քաղաքական և մշակութային զարգացումներից որքան՝ Իրանի հայ համայնքը
Իրանահայ համայնքն իր բազմադարյա պատմությամբ և Իրանի մշակութային, կրոնական, հասարակական և արդյունաբերական ներուժով անկասկած մեծ դերակատարություն է ունեցել Իրանի մշակութային և հասարակական կյանքում, ինչպես նաև տեխնիկական ու առևտրական զարգացումների ոլորտներում։
գագաթնաժողով , ՀՄՀՖ-ի, ՍՄԱԲ կետրոնի և Հայազդ կայքի ներկայացուցիչները մասնակցել են Երևանում կայացած Համաշխարհային հայկական գագաթնաժողովին
ՀՄՀՖ-ի, ՍՄԱԲ կետրոնի և Հայազդ կայքի ներկայացուցիչները մասնակցել են Երևանում կայացած Համաշխարհային հայկական գագաթնաժողովին
hayazd.com-Համաշխարհային հայկական գագաթնաժողովին նաև իրենց մասնակցությունը բերեցին թե Իրանի հայ համայնքի հասարակական և մշակույթային որոշ կառույցների ներկայացուցիչներ և թե մասնավորաբար Հայ Հասարակական Մշակութային Ֆորումի, Սուրբ Մարիամ Աստվածածին Բարեգործական կենտրոնի և Հայազդ լրատվական կայքի ներկայացուցիչներ՝ ՀՄՀՖ-ի և ՍՄԱԲ կենտրոնի վարչության անդամներ իրանահայ վաստակավոր արվեստագետ տիկին Լորետա Ավետիսյանը և Սիփան Մկրտումյանը։

<< Հայազդ>> կայքում արտահայտված որոշ կարծիքները պարտադիր չէ, որ համընկնեն կայքի խմբագրության տեսակետի հետ: