Գերմանիան հեղուկ բնական գազի իր երկրորդ տերմինալն է բացել
Գերմանիան շաբաթ օրը հեղուկ բնական գազի իր երկրորդ տերմինալն է բացել՝ փորձելով անցյալում թողնել էներգիայի ռուսական աղբյուրներից կախվածությունը, հաղորդում է AP-ն:
Գերմանիայի կանցլեր Օլաֆ Շոլցը մասնակցել է Բալթիկ ծովի ափին գտնվող Լյուբմինում միջոցառմանը, որը տեղի է ունեցել Հյուսիսային ծովում գտնվող Վիլհելմսհավենում ՀԲԳ առաջին տերմինալի բացումից մեկ ամիս էլ չանցած: Ակնկալվում է, որ առաջիկա ամիսներին կգործարկվեն եւս մի քանի տերմինալներ, այդ թվում՝ մեկը Լյուբմինում:
Տերմինալներն էներգետիկ ճգնաժամը կանխելուն ուղղված ջանքերի մի մասն են, որոնք ներառում են նաեւ նավթով եւ ածխով աշխատող հին էլեկտրակայանների ժամանակավոր վերաբացումը եւ Գերմանիայի վերջին երեք ատոմակայանների շահագործման երկարաձգումը մինչեւ ապրիլի կեսերը, որոնք պետք է անջատվեին 2022 թվականի վերջին։
Ուկրաինայում հակամարտությունը սկսվելուց օրեր անց՝ փետրվարին, Շոլցը հայտարարել էր, որ իր կառավարությունը որոշել է արագ կառուցել առաջին ՀԲԳ տերմինալները։
Գերմանիան նաեւ աշխատանքներ է տարել ձմռանն ընդառաջ գազի պահեստարանները լցնելու ուղղությամբ: Անցյալ շաբաթ Գերմանիայի ցանցային կարգավորողը հայտարարել էր, որ այս ձմռանը գազի պակասը «ավելի քիչ հավանական է դառնում»:
Ռուսաստանը նախկինում մատակարարել է Գերմանիայի բնական գազի կեսից ավելին, սակայն օգոստոսի վերջից գազի մատակարարումը դադարեցվել է։
Նմանատիպ Լուրեր
ՀՀ ԱԳ փոխնախարարն անդրադարձել է տնտեսական աճի բարձր տեմպերին
Դեկտեմբերի 15-ին ՀՀ ԱԳ նախարարի տեղակալ Պարույր Հովհաննիսյանը մասնակցել է Սևծովյան տնտեսական համագործակցության կազմակերպության (ՍԾՏՀԿ) անդամ պետությունների ԱԳ նախարարների խորհրդի (ԱԳՆԽ) առցանց 47-րդ հանդիպմանը։
Հայաստանի կառավարությունը հավանություն տվեց ԵԱՏՄ-ի եւ Իրանի միջեւ ազատ առեւտրի համաձայնագրին
Կառավարությունն իր դեկտեմբերի 14-ի նիստում հավանություն տվեց ԵԱՏՄ-ի եւ Իրանի միջև ազատ առևտրի մասին համաձայնագրի ստորագրմանը:
Թուրքական լիրան հասել է պատմական նվազագույնի
Երկուշաբթի թուրքական լիրայի նկատմամբ դոլարի փոխարժեքը պատմության մեջ առաջին անգամ գերազանցել է 29 լիրան՝ 1 դոլարի դիմաց։ Այս մասին են վկայում TradingView տերմինալի առևտրի տվյալները։
ԱԺ-ն վավերացրեց Հայաստանի և Հնդկաստանի միջև մաքսային հարցերով համագործակցության համաձայնագիրը
Հայաստանի ազգային ժողովը վավերացրեց «Հայաստանի Հանրապետության կառավարության և Հնդկաստանի Հանրապետության կառավարության միջև՝ մաքսային հարցերով համագործակցության և փոխադարձ օգնության մասին» համաձայնագիրը:
Թուրքմենստանն ու Թուրքիան ցանկանում են Իրանի տարածքով գազ մատակարարել
Թուրքմենական պետության բնական ռեսուրսների բազան հնարավորություն է տալիս շահագրգիռ երկրներին և տարածաշրջաններին լիովին ապահովել էներգետիկ ռեսուրսներով։
ՍԱՏՄ-ն արգելել է Հայաստան ներմուծել Բրազիլիայից և Իրանից որոշ սննդամթերքներ՝ լաբորատոր անհամապատասխանության պատճառով
Հայաստանի Հանրապետության սննդի անվտանգության տեսչական մարմնի իրականացրած սահմանային վերահսկողության արդյունքում նոյեմբերի 24-28-ը լաբորատոր անհամապատասխանության հիմքով, արգելվել է ՀՀ ներմուծել վտանգավոր սննդամթերք:
