«Ինձնից 50 տարի պահանջվեց, որ բացահայտեմ այդ քիմիական տարրը»․ ԼԵԳԵՆԴԱՐ ՀԱՅ, պրոֆեսոր և ֆիզիկոս Յուրի Հովհաննիսյան
Միջուկային հետազոտությունների միացյալ ինստիտուտի պրոֆեսոր, ֆիզիկոս Յուրի Հովհաննիսյանն այսօր Հայաստանի գիտության եւ տեխնոլոգիաների հիմնադրամի (FAST) գրասենյակում «Պարբերական աղյուսակը 150 տարի անց» թեմայով #ԳիտTalk բանախոսություն-քննարկում է վարել։
Պրոֆեսոր Հովհաննիսյանը պատմել է իր կատարած հետազոտությունների մասին, որոնց արդյունքում հայտնաբերել եւ պարբերական աղյուսակում ավելացրել է քիմիական 118-րդ տարրը («օգանեսոն»), ինչպես նաեւ ասել, որ այսքանով չի սահմանափակվել եւ շարունակում է քիմիական տարրերի իր «որսը»։
Հանդիպումից առաջ Յուրի Հովհաննիսյանը Մեդիամաքսին ասել է, որ քիմիական տարրի բացահայտումն իր կյանքից 50 տարի պահանջեց: «50 տարի առաջ ինձ մոտ առաջ եկավ գաղափարը, որ կարող է նման տարրեր լինեն, եւ 50 տարի անց այդ տարրերը ստացա։ Դա բավական բարդ գործ է», — ասել է նա:
Նա ասել է, որ շարունակում են նոր տարրերի ուղղությամբ հետազոտությունները, եւ Մենդելեեւի աղյուսակն անպայման կփոխվի։
«Մենդելեեւն ինքն էր ասում, որ իրեն թվում է՝ աղյուսակը կփոխվի, բայց կմնա։ Այնպես որ՝ այո՛, աղյուսակը կփոխվի»,- ասել է նա։
Յուրի Հովհաննիսյանը համոզված է, որ Հայաստանում գիտության զարգացման ուղղությամբ քայլեր կատարվում են, իսկ որպեսզի աշխարհի գիտական քարտեզի վրա Հայաստանի համար լավ տեղ ապահովվի, հարկավոր է շատ լավ աշխատել ու ջանք չխնայել։
«Պիտի նվիրված լինել գործին, օր ու գիշեր մտածել դրա մասին, աշխատել եւ արդյունքը կլինի»,- ասել է պրոֆեսորը։
nurblog.info
Նմանատիպ Լուրեր
