Հայաստանի օրակարգում միութենական պետության մեջ մտնելու օրակարգ չկա․ ԱԽ քարտուղար
ՀՀ հանդեպ ճնշումներ նաև միութենական պետության մասով են գալիս, Հայաստանի ժողովրդավարությունը դիմադրում է և ստանում ռազմական տեսքով ճնշումներ․ Հանրային հեռուստաընկերության «Հարցազրույց» հաղորդաշարի շրջանակում ասել է ՀՀ ԱԽ քարտուղար Արմեն Գրիգորյանը։
Ստորև ներկայացնում ենք ՀՀ ԱԽ քարտուղարի՝ հարցազրույցի ընթացքում հնչեցրած մտքերից։
«Միութենական պետությունը ամբողջովին սուվերենության խախտումն է։ Հայաստանի օրակարգում միութենական պետության մեջ մտնելու օրակարգ չկա։ Հայաստանում ընթացող ժողովրդավարական գործընթացները սահմանափակում են այդ հարցը քննարկելու հնարավորությունը։
Ալիևը Հայաստանի Հանրապետության սուվերեն տարածքի նկատմամբ հրապարակային նկրտումներ է ներկայացրել, ի դեպ, պատմության մեջ, պատմական նարատիվներով շարժվող բազմաթիվ այդպիսի լիդերներ են եղել, այսօր էլ այդպիսի լիդերներ կան, ես կարծում եմ, Հիտլերը գրեթե նույն արգումենտացիայով, նույն փաստարկներով է հարձակվել հարևան երկրների վրա՝ ասելով, որ պատմականորեն այդ հողերն իրենց են պատկանել, և սկսել է Երկրորդ համաշխարհային պատերազմը։ Ալիևի հայտարարությունը որևէ ձևով չի տարբերվում Հիտլերի հայտարարություններից, ամբողջովին նման են և կարող եմ ասել, որ միջազգային հանրությունը այս առումով մեծ աշխատանք ունի կատարելու։
Հայկական կողմը միշտ էլ կառուցողական է եղել, նաև պատերազմից հետո, 2 տարվա ընթացքում կառուցողական է եղել։
Երևանը որևէ քայլ չի արել, որ ՀՀ և ՌԴ միջև դիվանագիտական ճգնաժամ ստեղծվի։ Հայկական կողմն ակնկալում է, որ Լաչինի միջանցքը հնարավորինս արագ կբացվի։ Ամբողջովին միջանցքը ռուս խաղաղապահների պատասխանատվության տակ է։
Հիմա ճգնաժամ է ստեղծվել, պատասխանատուն Ադրբեջանն է, այն լուծելու հնարավորություն ունի ՌԴ-ն, որովհետև նա լիազորված է դա անելու նոյեմբերի 9-ով։ Ադրբեջանն այս քայլով ուզում է քանդել նոյեմբերի 9-ի ճարտարապետությունը, դա պիտի մտահոգի ՌԴ-ին։
Այդ քայլերը լայն կոնտեքստ ունեն, Ադրբեջանին աջակցելու, ՀՀ տարածքում, այսպես կոչված, միջանցք ստանալուն աջակցելու կոնտեքստում է, ՀՀ-ն դիմադրում է դրան։ Ճգնաժամի դրդապատճառը սա է։
ՌԴ հետ հարաբերությունները պայմանագրային են, որում նշված չի այդ պահին դրանք իդելական են, թե ոչ։ Շարունակելու ենք քայլեր ակնկալել, բայց եթե չլինեն քայլեր, հարցեր կառաջանան, թե ինչու։
Լաչինում առկա ճնշումը ՀՀ տարածքում արտատարածքային միջանցք ստանալու համար է։ Այս պահին ճգնաժամը լուծելու ՀՀ բոլոր գործիքները դիվանագիտական են
Ընդդիմությունը, ոչ թե ՀՀ իշխանության ընդդիմությունն է, այլ Հայաստանի Հանրապետության, որովետև նրանց արած քայլերը լայն կոնտեքստ ունեն, այսպես ասած, Ադրբեջանին աջակցելու, Հայաստանի տարածքով, միջանցքային տրամաբանությամբ որևէ ճանապարհ ստանալու կոնտեքստում են»։
Նմանատիպ Լուրեր
