Մի քարի պատմութիւն
Շահէն Յովսէփեան
Զւարթնոց տաճարի տարածքում տեղադրւած է Բիայնայի արքա՝ Ռուսա Բ.ի (685 – 645 թթ.Ք.ա.) սեպագիր արձանագրութիւնը, որը գտնւել է վարդապետ Խաչիկ Դադեանի (1863-1936 թթ.) միջոցով, երբ տաճարում պեղումներ կատարեց 1901-1907 թթ.: Որոշ ուսումնասիրութիւններ պարզում են, որ սոյն սեպագիր քարը մէկ այլ վայրից է տեղափոխւել Զւաթնոց տաճար: Չնայած նրա նախնական վայրը և տեղափոխման ժամանակը պարզ չէ, բայց նկատի առնելով արձանագրութիւնում նշւած երկրի անունը, այն տեղադրւած է եղել սոյն տարածաշրջանում:
01-Զւարթնոցի Ռուսա Բ-ի արձանագրութիւնը
Նախքան Ռուսա Բ. թագաւորը, Արգիշտի Բ. (713 – 685 թթ.Ք.ա.) և Ռուսա Ա. (735 -713 թթ.Ք.ա.) ժամանակ երկիրը ենթարկւել էր ասորիների, կիմերների և սկիւթների արշաւանքներին, որոնք մեծ աւերածութիւններ էին կատարել: Ռուսա Բ. գահ բարձրանալով սկսում է վերականգնել աւերածութիւնները: Նրա հրամանով փորում են Ումէշինի ջրանցքը և այդ մասին թողել է սեպագիր արձանագրութիւն, որը գտնւել է Զւարթնոց տաճարում: Արձանագրութիւնը, ուրարտերէն սեպագիր տառերով քանդակւած է սրբատաշ, քառանիստ մի քարի վրայ, որը ունի 2,7 մ բարձրութիւն, 0,63 մ լայնք և 0,36 մ հաստութիւն: Ինչպէս ուրարտական նմանատիպ կոթողները, նրա վերևի մասը կիսաշրջանաձև է, տակը խարիսխով, որպէսզի տեղադրւի պատւանդանի մէջ, կանգնած դիրք ընդունելու համար: Արձանագրութիւնը ամբողջութեամբ կոթողի մէկ երեսի վրայ է բաղկացած 47 տողերից, ըստ հետևեալի ...
- Խալդէ տեառն աշխարհի այս
- կոթողը Ռուսա
- Արգիշտի որդին շինել տւաւ:
- Խալդեան զորութեամբ
- Ռուսա Արգիշտի որդին
- ասում է, նւաճեցի Կուարլինէ երկիրը
- հողը շուլէ էր
- ոչ մի բան այնտեղ չկար
- հենց որ Խալդէն կարգադրեց
- ես այս խաղողուտը հիմնեցի
- քաղաք նոր այնտեղ կառուցեցի
- մի ջրանցք Իլդարուն գետից
- անց կացրի Ումեշէ անունով
- սոյն Ռուսաեան դաշտին:
- Երբ ջրանցքը փորեն մէկ ուլ թող
- Խալդէին ողջակիզեն
- մէկ ոչխար Խալդէին թող զոհաբերէն
- մէկ ոչխար Թէյշեբային
- մէկ ոչխար Շիվինէին
- մէկ ոչխար Անիկուին
- Ռուսա Արգիշտի որդու կողմից որը
- արքա հզոր արքա մեծ
- աշխարհիս արքա
- արքա Բիայնայի
- արքա արքայոց և արքա
- Տուշպա քաղաքին:
- Արգիշտի որդի Ռուսան
- ասում է ով որ վրայի անունը ջնջէ
- ով որ այս արձանագրութիւնը
- իրեն վերագրէ,
- փչացնի, ով փշրի,
- հողում թաղի,
- ով ջուրը գցի,
- ով իր տեղից շարժի,
- ով արևի առջևից
- առանձնացնի կամ ասի ոչնչացրու,
- ով ուրիշին ասի
- ես կանգնեցրի, ով որ
- անունս ջնջի և իր անունը
- գրի, նա
- բիայնացի լինի
- լուլուբեցի լինի
- թող որ Խալդէ Թէյշեբա
- Շիվինէ աստւածները չխնաեն
- ամբողջ ընտանիքը թէ
- անունը թէ սերունդը
- երկրի վրայ չթողեն
Արձանագրութիւնում նշւած Կուարլինէ երկիրը, Հրազդան և Քասախ գետերի մէջ, ներկայիս Երևան և Վաղարշապատ քաղաքների մէջ ընկած տարածքն է: Իսկ յիշատակւած Իլդարուն գետը, Հրազդանն է, որից սկիզբ է առել Ումէշի ջրանցքը, որը ունեցել է 6,5 կմ երկարութիւն և նրա ճանապարհին գտնւող բլուրների տակից փորւել է երկու թունելներ, որոնք նոյնութեամբ մինչև օրս պահպանւել են: Ջրանցքի միջոցով Հրազդանի ջուրը հասել է Կուարլինէի դաշտ, որտեղ ըստ Ռուսա թագաւորի յիշատակութեան՝ հիմնել է խաղողի այգիներ: Այսօր ջրանցքը և սոյն այգիները կոչւում են Դալմա անունով:
02- Ջրանցքի թունելներից մէկը
Հարկ է նշել, որ ջրանցքը անգամներ նորոգւել է, որը պարսկական տիրապետութեան ժամանակ կոչւել է Դալմայի ջրանցք: Ըստ յիշատակութեան 1698 թ. Նահապետ Ա. Եդեսացի կաթողիկոսը (1691-1705 թթ.) նորոգել է ջրացքը և նորից Հրազդանի ջուրը հասցրել Վաղարշապատի արևելեան դաշտերը իսկ վերջին նորոգութիւնը կատարւել է Երևանի վերջի խան, Հոսէյն Ղուլի խանի հրամանով: Այժմ ջրանցքի 1,5 կմը և Դալմայի այգու մեծ մասը շինարարութեան հետևանքով ոչնչացւել է, իսկ 2022 թ. Երևանի քաղաքապետարանի միջոցով սկսւել է ջրնցքի մաքրման և վերականգնման աշխատանքը:
Արձանագրութիւնում յիշատակւած է ուրարտական երէք գլխաւոր աստւածները՝ Խալդի, Թէյշեբանի և Շիվինի անունները, որոնցից յետոյ նշւած է Անիկուի աստւածուհու անունը, որը եղել է Արարատեան դաշտում գտնւող Ուազա երկրի ցեղախմբի գերագոյն աստւածուհին: Ուրարտացիների մօտ ընդունւած ձևի համաձայն, նրանք յարգելով հնազանդ ցեղերի գերագոյն աստւածներին, յիշատակում են նրանց անունը իրենց արձանագրութիւններում:
Ռուսա Բ.ն նաև յիշատակում է մի նոր քաղաքի կառուման մասին, որը Թէյշեբանին է: Նրա հիմնած քաղաքը մէկ դար կեանք ունեցաւ և կործանւեց սկիւթների միջոցով: Այժմ այն կոչւում է՝ Կարմիր Բլուր:
Արձանագրութեան մէջ յիշատակում է նաև Ուրարտուի մայրաքաղաք Տուշպան, որը այսօրւայ Վան քաղաքն է, իսկ արձանագրութեան վերջում Ռուսա Բ.ն նզովում է այն մարդուն ով կը ոչնչացնի սոյն կոթող-արձանագրութիւնը, նա լինի բիայնացի թէ լուլուբեցի:
Նմանատիպ Լուրեր
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։