ՀԱՅԱԶԴ կայք
ՀԱՅԱԶԴ կայք
Թեհրանի Սուրբ Աստւածածին Եկեղեցի

Սուրբ Աստւածածին եկեղեցին գտնւում է Ջոմհուրի Էսլամի պողոտայի Միրզա Քուչիք Խան Ջեանգեալի փողոցում:

Սուրբ Աստւածածին եկեղեցու կառուցման ծախսը հոգացել է բարերար՝ Ռոման Իսայեանը, իսկ ճարտարապետը եղել է Նիկոլայ Մարկովը:
Այս եկեղեցին 1945-ից մինչեւ 1970 թւականը եղել է առաջնորդանիստ եկեղեցի եւ նրա շրջափակում են գտնւել Թեմական Խորհրդի գրասենեակները եւ թեմակալ առաջնորդի բնակարանը:
Եկեղեցին շինւած է պադւանդանի վրայ: Եկեղեցու ելումուտը կատարւում է մուտքերի առջեւ կառուցւած լայն սանդուխքներով: Եկեղեցու յատակագիծը ներքուստ եւ արտաքուստ խաչաձեւ է եւ խորանը գտնւում է արեւելեան կողմում: Խորանը երեք լուսամուտ ունի: Խորանի երկու կողմերում գտնւում են երկու սիմետրիկ աւանդատներ, որոնք բացւում են գլխաւոր աղօթասրահ: Գլխաւոր գմբեթը ունի տասներկու կողմ, տասներկու լուսամուտներով եւ գտնւում է աղօթասրահի վրայ: Եկեղեցու գլխաւոր գմբեթը կառուցւած է ոչ թէ հայկական ճարտարապետութեան ոճով, այլ բիւզանդական ճարտարապետութեան ազդեցութեամբ, որը տարածւած է եղել Ռուսաստանում եւ Վրաստանում: Եկեղեցու արեւմտեան կողմում առկայ երկրորդ փոքր գմբեթը, ծառայում է որպէս զանգակատուն:
Եկեղեցին ունի երեք մուտք: Գլխաւոր մուտքը գտնւում է արեւմտեան կողմում, խորանի դիմաց եւ ունի մեծ ճակատ եւ երկու զարդասիւներ: Եկեղեցու ներսում մուտքից վերեւ եւ զանգակատնից ներքեւ կառուցւած է պատշգամբ երգչախմբի համար :
Եկեղեցին երեք կողմերում ունի մեծ լուսամուտներ, իսկ արեւմտեան կողմի լուսամուտները փոքր են եւ բացւած են գլխաւոր մուտքի ճակատից վերեւ:
Եկեղեցու ներսում արեւելեան, հիւսիսային եւ հարաւային պատերին փորւած են մինչեւ պատւանդանի մակարդակն իջնող ուղղաձիգ եռանկիւնաձեւ խորշեր: Եռանկիւնաձեւ խորշերի վերին հատւածում դրւած է կիսաշրջանաձեւ քանդակ, ինչը ներշնչւած է հայկական միջնադարեան ճարտարապետութիւնից եւ կառոյցը գեղեցկացնում է արտաքին պատերի վրայ առաջացրած լոյս ու ստւերով: Կառոյցի արտաքին մակերեսին, լուսամուտների վերեւում եւ պատերի վերին եզրերին աչքի են ընկնում զարդաքանդակներ, իսկ դրանցից վերեւ եկեղեցու չորս կողմում զետեղւած են խաչի քանդակներ:
Գլխաւոր մուտքի ճակատից վերեւ գտնւող քարէ արձանագրութիւնը յիշատակում է եկեղեցու կառուցումը եւ եկեղեցին շինող բարերարի անունը: Կառոյցի արտաքին պատերին զետեղւած են որմնասիւներ, որոնք բարձր շրջանակների տեսք ունեն:
Եկեղեցու շրջափակում է գտնւում Թեհրանի Հայոց Թեմի նախկին առաջնորդ՝ երջանկայիշատակ Արտակ Արքեպիսկոպոս Մանուկեանի անւան թանգարանը, որը հիմնւել է 2008 թւականի նոյեմբերին:
Սուրբ Աստւածածին եկեղեցու բակում են գտնւում հայ մեծանուն դէմքերի, ինչպէս՝ Իրանի Սահմանադրական Շարժման զօրապետ եւ Իրանի պատմութեան մէջ «Եփրեմ Խան» անունով յայտնի՝ Եփրեմ Դաւիթ Դաւթեանի (1868-1912), ինչպէս եւ Յովհաննէս Խան Մասեհեանի (1864-1931) գերեզմանները: Այս պարագան եկեղեցուն տալիս է առաւել մեծ կարեւորութիւն:
Թեհրանի առաջնորդարանը Սուրբ Սարգիս եկեղեցու շրջափակ տեղափոխւելուց յետոյ, Սուրբ Աստւածածին եկեղեցուն կից շէնքը յատկացւեց բարեգործական, կրթական եւ հետազօտական միութիւնների: Եկեղեցու բակում
դոկտ. Յարութիւն Դաւթեանի կիսանդրու տեղադրմամբ, այս վայրը թեհրանահայութեան համար վերածւեց կրօնական եւ մշակութային կենտրոնի:
Սուրբ Աստւածածին եկեղեցին 2002 թւականին Իրանի Մշակութային Ժառանգութեան Գործակալութեան կողմից գրանցւել է որպէս ազգային կոթող:
ծանօթագրութիւն
-Եփրեմ Խանը (պարսից պատմութեան մէջ՝ Եփրեմ Խան Առմանի) ծնւել է Գանձակի մօտ գտնւող Բարսում գիւղում: Վաղ երիտասարդ տարիքում Օսմանեան կայսրութեան դէմ պայքարելու նպատակով մի խումբ հայ մարտիկների հետ անցաւ Արեւմտեան Հայաստան: Բաւական ժամանակ անխնայ կռիւներ մղելուց յետոյ, իր զինակիցների հետ ձերբակալւեց ցարական Ռուսաստանի սահմանապահ զօրքերի կողմից եւ դատավարութիւնից յետոյ աքսորւեց Սախալին ռուսական կղզին: Նա հրաշքով փախուստ տւեց մահացու աքսորավայրից, հասաւ նախ Ճապոնիա եւ երկարատեւ ճամորդութիւնից յետոյ՝ Իրան: Իրանի Խորհրդարանի գնդակոծման (էսթեբդադէ Սաղիր) միջադէպի ընթացքին գնաց Թաւրիզ եւ սահմանադրական շարժման ռազմիկների (մոջահեդների) հետ ուս-ուսի կռւեց Մոհամմադ Ալի Շահի զօրքերի դէմ: Մասնակցեց Թեհրան մտնելու գործողութիւններին եւ սահմանադրական շարժման յաղթանակի մէջ կարեւոր դեր կատարեց: Այնուհետեւ նշանակւեց Թեհրանի ոստիկանապետ: Նա մեծ ջանքեր գործ դրեց հակասահմանադրական ուժերի հետ պայքարում եւ զոհւեց 1912-ի Մայիսի 19-ին Համադանի Ղալէյէ Շուրջէի մօտ բռնապետական ուժերի դէմ մղած կռիւներից մէկում: Եփրեմ Խանը Սահմանադրական շարժման ընթացքին զոհւած փոքրաթիւ առաջնորդների թւում էր, ով նահատակւեց ազատութեան թշնամիների դէմ մղած պայքարում: Նրա անձնական իրերը ցուցադրւած են Իսֆահանի Ս. Ամենափրկիչ Վանքի Թանգարանում:
-Յովհաննէս Խան Մասեհեանը ծնւել է Թեհրանում, 1864 թւի Փետրւար 23-ին: Բարձր կրթութիւնից, խորն ու լայն ուսումնասիրութիւններից, նաեւ անգլերէն, ֆրանսերէն, գերմաներէն, պարսկերէն եւ հայերէն լեզուներին տիրապետելուց բացի, նա համեստ եւ պատկառելի անձնաւորութիւն էր, բարեկիրթ ու բարեհամբոյր վերաբերմունքի տիպար: Ընկերները, գաղափարակիցները, գործընկերները եւ այլ իրանցիներ ու արտասահմանցիներ, որոնք նրա հետ շփւում էին քաղաքական, հասարակական եւ գրական աշխարհում, նրան բնորոշում են որպէս ազնիւ եւ պարկեշտ մարդ: Բարոյական այս առանձնայատկութիւնների եւ գիտական բարձր մակարդակի բերումով, Մասեհեանը իրանական պետութեան եւ արքունիքի կողմից արժանացաւ մի քանի երկրում դեսպանութեան բարձր պաշտօնների եւ այս առաքելութիւնների ընթացքում կարեւոր ծառայութիւններ մատուցեց: Նա Իրանի իրաւունքների եւ շահերի պաշտպանութեան դրօշակակրի համբաւ ունէր եւ արժանի կերպով բարձր էր պահում Իրանի անունը եւրոպական արքունիքներում եւ օտար պետութիւններում: Քաղաքականութիւնից բացի, Յովհաննէս Խան Մասեհեանը ակնառու գործունէութիւն էր ծաւալում նաեւ գրականութեան բնագաւառում եւ համարւում է Շեքսպիրի լաւագոյն թարգմանիչներից մէկը: Նա անգամներ հրաւիրւեց մասնակցելու Շեքսպիրի մեծարման միջոցառումների:
-Պրոֆեսոր Յարութիւն Դաւթեանը ծնւել է 1925 թւի Փետրւար 21-ին: Տարրական կրթութիւնը ստացել է Քուշէշ դպրոցում, իսկ միջնակարգ կրթութիւնը՝ Ալբորզ Քոլեջում: Բժշկի մասնագիտութիւն ձեռք բերելու նպատակով, ուսումը շարունակել է Թեհրանի Բժշկական Գիտութիւնների Համալսարանում եւ աւարտել 1948-ին : Բժշկութեան դոկտորական շրջանի եւ զինւորական ծառայութեան աւարտից յետոյ, իր դիմումի համաձայն, 1950-ի Օգոստոս 2-ին նշանակւել է Թեհրանի Բժշկական Գիտութիւնների Համալսարանի բժշկական ֆակուլտետին կից նորաստեղծ հոգեբուժարանի ասիստենտ եւ Ռուզբեհ հոգեբուժական հիւանդանոցում համագործակցել է Դոկտ. Չեհրազիի եւ Դոկտ. Նասերիի հետ: 1955-ին հոգեբուժարանի կառավարչի ընտրութեան քնութիւններում յաջողութիւն արձանագրելով, ուսումը շարունակելու համար մեկնել է Լոնդոն եւ 1958 թւին ստացել է հոգեկան հիւանդութիւնների մասնագիտական դիպլոմ (D.P.M. ) Լոնդոնի համալսարանից: Դոկտ. Դաւթեանը, որպէս իրանցի ակնառու գիտնական, իր գիտական եւ հետազօտական բազմաթիւ աշխատութիւններով արժանի ծառայութիւն է մատուցել բժշկութեան եւ յատկապէս հոգեբուժութեան ոլորտներում: Դոկտ. Դաւթեանն ունի եզակի աշխատութիւններ հոգեբուժութեան եւ կլինիկական հետազօտութիւնների բնագաւառում եւ մեծ ազդեցութիւն է թողել Իրանի հոգեբուժութեան նորագոյն տերմինաբանութեան եւ լեզւի վրայ: Նա եղել է միջազգային մակարդակում յայտնի փոքրաթիւ հեղինակներից մէկը: Դոկտ. Դաւթեանը տարիներ շարունակ բժշկական համալսարանի ուսանողներին դասաւանդել է հոգեբուժութեան մասնագիտական առարկաներ՝ սկզբնական եւ խորացւած մակարդակներում:


ՀԱՅԱԶԴ կայք Նմանատիպ Լուրեր
թեհրան,իրանահայ-համայնք,ս․-մարիամ-աստվածածին-բարեգործական-կենտրոն,սմաբկ,հմհֆ,հայ-մշակութային-հասարակական-ֆորում,հայազդ-լրատվական-կայք,աշխարհատեսների-հայկական-կենտրոն,մարո-այվազյան,կարինե-ղուկասյան,սահակ-շահմուրադյան , ՀՄՀՖ-ի, Ս․ ՄԱԲԿ-ի և Թեհրանի Աշխարհատեսների Հայկական կենտրոնի ներկայացուցիչները քննարկել են համագործակցությունների զարգացման հեռանկարները
ՀՄՀՖ-ի, Ս․ ՄԱԲԿ-ի և Թեհրանի Աշխարհատեսների Հայկական կենտրոնի ներկայացուցիչները քննարկել են համագործակցությունների զարգացման հեռանկարները
Թվականիս դեկտեմբերի 16-ին Սրբ․ Մարիամ Աստվածածին Բարեգործական կենտրոնի և Հայ Մշակութային Հասարակական Ֆորումի հյուրն էր Թեհրանի Աշխարհատեսների Հայկական կենտրոնի վարչության ատենապետ՝ Տկն․ Մարո Այվազյանը։
հայ-մշակութային-և-հասարակական-ֆորում,ս․-մարիամ-աստվածածին-բարեգործական-կենտրոն,հմհֆ-ի-ներկայացուցիչներ,հմհֆ-ի-տնօրեն,կարինե-ղուկասյան,հայազդ-կայքի-խմբագիր,հայազդ,սահակ-շահմուրադյան,իրանահայ-թարգմանիչ,մշակութային-և-կրթական-գործիչ,հասարակական-գործիչ,նորայր-մեհրաբյան,հայ-գողգոթան,շուշի,գոմեշ , ՀՄՀՖ-ի ներկայացուցիչները և իրանահայ թարգմանիչ և հասարակական գործիչ Նորայր Մեհրաբյանը քննարկել են համագործակցության խթանման ուղղություններն ու հնարավորությունները
ՀՄՀՖ-ի ներկայացուցիչները և իրանահայ թարգմանիչ և հասարակական գործիչ Նորայր Մեհրաբյանը քննարկել են համագործակցության խթանման ուղղություններն ու հնարավորությունները
Հայ Մշակութային և Հասարակական Ֆորումի վարիչ տնօրենի և «Հայազդ» կայքի խմբագրության հրավերով թվականիս դեկտեմբերի 2-ին, Թեհրանի Ս․ Մարիամ Աստվածածին Բարեգործական կենտրոնում կայացավ իրանահայ վաստակավոր թարգմանիչ, հասարակական, մշակութային և կրթական գործիչ Նորայր Մեհրաբյանի հետ հանդիպումը։
իրանահայ,համայնքը.,պատմական,ակնարկ,(14) , ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (14)
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (14)
ՀԱՄԱՅՆՔԻ ԴՊՐՈՑՆԵՐԸ ԵՎ ԱՅԼ ԿՐԹԱԿԱՆ ՀԱՍՏԱՏՈՒԹՅՈՒՆՆԵՐԸ, ՄԻՈՒԹՅՈՒՆՆԵՐԸ և ՄՇԱԿՈՒԹԱՅԻՆ ՀԻՄՆԱՐԿՈՒԹՅՈՒՆՆԵՐԸ, ՄԱՄՈՒԼԸ ԵՎ ՏՊԱԳՐՈՒԹՅՈՒՆԸ
հայ-մարզամշակութային-րաֆֆի-համալիր,հմմ-րաֆֆի-համալիրի-մշակութային-բաժանմունք,գրքերի-պարսկերեն-թարգմանության-շնորհանդես,պարսկերեն-թարգմանության-հեղինակ,նորայր-մեհրաբյան,հայ-գողգոթան,շուշի,գոմեշ,գրիգորիս-պալաքյան,սերո-խանզադյան,հրանտ-մաթևոսյան,իիհ-ում-հհ-դեսպանության-խորհրդական,սերգեյ-գրգիգորյան,հյուպատոս-արթուր-սարգսյան,անդրանիկ-սիմոնյան,թեհրանի-հայոց-թեմի-թեմական-խորհրդի-ներկայացուցիչնե,մաշղ-հրատարակչության-ներկայացուցիչներ,իրանահայ-մարզամշակութային-միությունների-ներկայացու , ՀՄՄ Րաֆֆի համալիրում կայացել է «Հայ Գողգոթան», «Շուշի» և «Գոմեշ» գրքերի պարսկերեն թարգմանության շնորհանդեսը
ՀՄՄ Րաֆֆի համալիրում կայացել է «Հայ Գողգոթան», «Շուշի» և «Գոմեշ» գրքերի պարսկերեն թարգմանության շնորհանդեսը
Թվականիս նոյեմբերի 16-ին, Հայ մարզամշակութային Րաֆֆի համալիրի Մշակութային բաժանմունքի նախաձեռնությամբ տեղի ունեցավ երեք արժեքավոր գրքերի պարսկերեն թարգմանության շնորհանդեսը։
կլարա,աբքարի,պատմությունը.,իրանահայ,առաջին,մանրանկարչուհի , Կլարա Աբքարի պատմությունը. Իրանահայ առաջին մանրանկարչուհի
Կլարա Աբքարի պատմությունը. Իրանահայ առաջին մանրանկարչուհի
Կլարա Աբքարը 73 տարեկան էր, երբ իր տունը վերածեց արվեստանոցի՝ նկարչություն սովորեցնելու համար։ Երկու տարի անց Թեհրանի նախկին թագավորական Սաադ Աբադ պալատում բացվեց նրա աշխատանքների թանգարանը: Նա հայտնի է որպես առաջին իրանցի կին մանրանկարչուհի, սակայն կենդանության օրոք երբեք վաճառքի չի հանել իր ստեղծագործություններից ոչ մեկը:
իրանահայ,համայնքը.,պատմական,ակնարկ,(13) , ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (13)
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (13)
Ըստ երկրի սահմանադրության, խորհրդարանի հայ պատգամավորները հանդիսանում են համայնքի լիիրավ ներկայացուցիչները։ Բայց նրանք նաև օրենսդիր մարմինների ներկայացուցիչ են և ոչ թե գործադիր մարմնի , իսկ երկրորդ՝ «ազգային» կանոնադրության մեջ նրանց մասին չկա ոչ մի հոդված։

<< Հայազդ>> կայքում արտահայտված որոշ կարծիքները պարտադիր չէ, որ համընկնեն կայքի խմբագրության տեսակետի հետ: