Ամիր Աբդոլլահյան. ՏՀԿ-ն Իրանի համար կարևոր նշանակություն ունի
Տնտեսական համագործակցության կազմակերպության ընդլայնման 30-ամյակի կապակցությամբ Թեհրանում կայացած արարողության ժամանակ, Հոսեյն Ամիր Աբդոլլահյանը հայտարարել է. «Տնտեսական համագործակցության կազմակեպությունը կարևոր նշանակություն ունի Իրանի համար և Թեհրանն օգտագործում է բոլոր հնարավորությունները՝ կազմակերպությունում մերձեցման գործընթացն ամրապնդելու համար»:
Նա հավելել է, որ ԻԻՀ տնտեսական դիվանագիտության առաջնահերթություններից է հարևան, տարածաշրջանային և ասիական երկրների հետ տնտեսական համագործակցության խորացումն ու ընդլայնումը:
ԻԻՀ ԱԳ նախարարը նշել է. «ՏՀԿ-ի նման տարածաշրջանային ու բազմակողմ կազմակերպությունները կարևոր դեր ունեն Իրանի ռազմավարության մեջ: Երկկողմ համագործակցության ամրապնդմանը և տարածաշրջանի տնետսական զարգացմանը նպաստող այս կազմակերպությունների դերի ամրապնդումն Իրանի ուշադրության կենտրոնում է»:
Նա նշել է. «Իրանը կարծում է, որ ՏՀԿ-ն կարող է արդյունավետ մոդել լինել Հարավ-Հարավ, դեպի ծով ելք չունեցող և տարանցիկ երկրների, էներգիա արտադրող և սպառող երկրների միջև, զբոսաշրջության, գիտական ու ակադեմիական, ինչպես նաև տեխնոլոգիական և նորարարական ոլորտներում համագործակցության համար»:
Աբդոլլահյանի խոսքով, այս մոդելի իրագործման հարցում կարևոր դերակատարություն ունեն նաև կազմակերպության քարտուղարությունը և տարածաշրջանային գործակալությունները:
parstoday.com