Մունդիալ-2022. Բրազիլիան ջախջախեց Հարավային Կորեային և քառորդ եզրափակիչում է
Ֆուտբոլի աշխարհի առաջնության փլեյ-օֆֆում Կատարի մայրաքաղաք Դոհայի «974» մարզադաշտում Բրազիլիան մրցեց Հարավային Կորեայի հետ:
«Արմենպրես»-ի հաղորդմամբ` Բրազիլիայի ընտրանուն հաջողվեց արագ առաջ անցնել հաշվի մեջ: Ճիշտ ժամանակին ճիշտ տեղում հայտնվելով՝աշխարհի հնգակի չեմպիոններին առաջ մղեց Մադրիդի «Ռեալ»-ի ֆուտբոլիստ Վինիսիուս Ժունիորը: Բրազիլիայից երկար ժամանակ չպահանջվեց երկրորդ գնդակը խփելու համար: Հարավային Կորեայի ֆուտբոլիստները սեփական տուգանային հրապարակում խախտեցին խաղի կանոնները և նշանակված 11 մետրանոց հարվածն անվրեպ իրացրեց վնասվածքից նոր ապաքինված Նեյմարը:
Խաղակեսում բրազիլացիները տիրել էին նախաձեռնությանն ու կորեացիների յուրաքանչյուր բացթողում օգտագործում էին: Նմանատիպ մի պահի Ռիշարլիսոնը արագ կողմնորոշվեց մրցակցի տուգանային հրապարակում և խփեց իր թիմի երրորդ գնդակը: Կորեայի ընտրանու պաշտպանությունը պարզապես տապալվեց: Բրազիլիայի 4-րդ գնդակը 36-րդ րոպեին խփեց Լուկաս Պակետան:
Երկրորդ կեսում Բրազիլիան չէր գրոհում մեծ ուժերով, իսկ գլխավոր մարզիչը հանգստանալու հնարավորություն տվեց մի շարք ֆուտբոլիստների և դարպասապահին: Կորեայի ընտրանուն հաջողվեց խփել միայն հեղինակության գնդակը: Աչքի ընկավ Պայկ Սոյնգհուն:
Բրազիլիա-Հարավային Կորեա` 4:1:
Մունդիալի քառորդ եզրափակիչում Բրազիլիայի հավաքականը կմրցի ԱԱ-ի գործող փոխչեմպիոն Խորվաթիայի հավաքականի հետ: Այդ հանդիպումը կկայանա դեկտեմբերի 9-ին:
Նմանատիպ Լուրեր
ՈՒԵՖԱ Ֆուտզալի Չեմպիոնների Լիգայի եզրափակիչը՝ Երևանում
Հայաստանի ֆուտբոլի ֆեդերացիայի հայտը հաղթող է ճանաչվել Հունաստանի, Լիտվայի, Լեհաստանի, Իսպանիայի և Շվեյցարիայի ֆուտբոլի ֆեդերացիաների հետ մրցակցությունում:
Վահան Բիչախչյանը կարող է հեռանալ «Պոգոնից»
Հայաստանի հավաքականի կիսապաշտպան Վահան Բիչախչյանն այս ձմռանը, ամենայն հավանականությամբ, կհեռանա լեհական «Պոգոնից»։
ՈՒԵՖԱ Ֆուտզալի Չեմպիոնների Լիգայի եզրափակիչը կանցկացվի Երևանում
ՈՒԵՖԱ-ի Գործադիր կոմիտեի որոշմամբ Հայաստանի ֆուտբոլի ֆեդերացիան կհյուրընկալի ՈՒԵՖԱ Ֆուտզալի Չեմպիոնների Լիգայի 2024 թվականի եզրափակիչը:
Հրաձգության Հայաստանի երիտասարդական առաջնության հաղթողներն ու մեդալակիրները
Անցկացվել է հրաձգության Հայաստանի երիտասրդների առաջնությունը։ Մասնակցել են Երևանի հրաձգության մանկապատանեկան մարզադպրոցի, Գյումրու եւ Վանաձորի թիմերը, հաղորդում է ՀՀՖ-ի մամուլի ծառայությունը։
Ֆուտզալի Հայաստանի հավաքականը հաղթել է վրացիներին․ ԱԱ
Ֆուտզալի Հայաստանի հավաքականն առաջին հաղթանակը տարավ աշխարհի առաջնության որակավորման փուլի էլիտ ռաունդում` ընդհատելով 4 պարտությունից բաղկացած շարքը։
Հրանտ-Լեոն Ռանոսը խաղաժամանակ է ստացել «Բորուսիայում»
Հրանտ-Լեոն Ռանոսը խաղաժամանակ է ստացել «Բորուսիայում»:
