Հեղինակավոր «Ֆիգարո»-ն դեկտեմբերի համարը նվիրել է հայ ժողովրդի պատմությանը. Հին ժամանակներից մինչև 44-օրյա պատերազմ
Ամսագրի շապիկին ֆրասահայ հայտնի լուսանկարիչ Անտուան Ագուջյանի հեղինակած լուսանկարն է: Ամսագրի ամբողջ համարը վերնագրված է «Հայաստան. Պատմության փորձության ենթարկված ազգ. Ողբերգություն և հույս»:
«Արմենպրես»-ի փոխանցմամբ՝ ամսագրում անդրադարձ է կատարվում Հայաստանի պատմության տարբեր էջերին և դրվագներին՝ հին ժամանակներից մինչև մեր օրեր, հակամարտությունների պատմությանը, Լեռնային Ղարաբաղում Ադրբեջանի սանձազերծած պատերազմի հետևանքներին:
Ամսագրում տարբեր լուսանկարիչների տարբեր ժամանակների գործեր են, իսկ տեքստային մասի հեղինակները ինչպես հայ, այնպես էլ օտարազգի հեղինակավոր պատմաբաններ են: 44-օրյա պատերազմից հետո Արցախում ստեղծված իրավիճակին կատարած անդրադարձում օգտագործված են Անտուան Ագուջյանի լուսանկարները:
Բացի «Ֆիգարո-պատմություն» ամսագրից «Ֆիգարո»-ն նոյեմբերին իր էլեկտրոնային էջում անդրադարձ է կատարել նաև հայկական «Ողջ մնալու արվեստ» ռազմահայրենասիրական հասարակական կազմակերպությանը՝ կրկին Անտուան Ագուջյանի լուսանկարներով: Էլիզաբեթ Փիերսոնի հեղինակմամբ ներկայացված են հայկական այս կազմակերպության պարապմունքներից դրվագներ, կազմակերպության նախագահ Վովա Վարդանովի հետ հարցազրույց: Նկարահանումները կատարվել են բուն պարապմունքների գործընթացում, որին ներգրավված են տարբեր ոլորտների բազմաթիվ ներկայացուցիչներ:
Նմանատիպ Լուրեր
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։