Հարցին ի պատասխան՝ Քարփենթերը նշել է, որ Հայաստանի և Ադրբեջանի միջև տարածաշրջանում խաղաղություն հաստատող և հարաբերությունները կարգավորող համաձայնագրի ձեռքբերման գործընթացում,Միացյալ Նահանգները  շատ խորը ներգրավված է։

«Պետք է ասեմ, որ ես շատ խորն եմ ներգրավված այս գործընթացում, ես շատ շահագրգռված եմ խաղաղության համաձայնագրի կնքմամբ։ Մենք շարունակելու ենք ուղիներ փնտրել նախարարներին և առաջնորդների համար հանդիպման համար։ Գաղտնիք չէ, որ մենք շատ սերտորեն աշխատում ենք ԵՄ-ի մեր գործընկերների հետ այս հարցում և քննարկում ենք ԵԱՀԿ գործիքակազմի տեղակայման հարցը․ հայ - ադրբեջանական սահմանի հայկական կողմում տեղակայեց կարիքների գնահատման թիմ՝ Հայաստանի դիմումով, բայց նաև մեծ աջակցություն են ցույց տալիս սահմանին ԵՄ ջանքերին»,- նշել է ԱՄՆ մշտական ներկայացուցիչը։

Նա շեշտել է, որ ԱՄՆ-ի նպատակը պարզ է. տեսնել սահմանը հնարավորինս շուտ սահմանազատված, տեսնել խաղաղության համաձայնագիրը երկու կողմերի միջև որքան հնարավոր է շուտ, որպեսզի խաղաղությունն ու կայունությունը վերադառնան տարածաշրջան, հարգվեն մարդու իրավունքները և այս տարածաշրջանում ապրող բոլոր անհատների անվտանգությունը։

«Մենք կարողանանք նոր էջ բացել Հարավային Կովկասի պատմության մեջ։ Ակնհայտ է, որ այդ վերջնական վիճակին հասնելու համար որոշ ժամանակ կպահանջվի, բայց մենք պարտավորվում ենք անել ամեն ինչ՝ հասնելու այդ արդյունքին», - վստահեցրել է Մայքլ Քարփենթերը: