Իրանը վճռակամ է ընդլայնել տարածաշրջանային ու միջազգային համագործակցությունը
Իրանի իսլամական խորհրդարանի կիրակի օրվա դռնբաց նիստում, օրակարգում դրվեց ՇՀԿ-ին Իրանի միանալու օրինագիծը, որը վավերացվեց պատգամավորների 205 կողմ ձայնով:
ԻՌՆԱ լրատվական գործակալության հաղորդման համաձայն, Իրանի արտգործնախարար՝ Հոսեյն Ամիր Աբդոլլահյանն իր թվիթերյան էջում գրել է.«Շանհայի համագործակցության կազմակերպությանն Իրանի միանալու օրինագծին Իսլամական խորհրդարանի վճռական ձայնը տարածաշրջանային ու միջազգային մասշտաբով տնտեսական համագործակցության ընդլայնման ուղղությամբ վճռականության ու լրջության և Ասիայի հանդեպ ավելի մեծ ուշադրության դրսևորում է»:
Իրանի արտգործնախարարը նշել է, որ բազմակողմանիությունը ներկա դարի իրողությունն է։
Շանհայի համագործակցության կազմակերպությունը հիմնադրվել է 2001 թվականի հունիսի 15-ին, Շանհայում՝ Ղազախստանի, Չինաստանի, Ղրղզստանի, Ռուսաստանի, Տաջիկստանի և Ուզբեկստանի կողմից:
Ներկայումս այս կազմակերպությունը բաղկացած է 9 անդամից, այդ թվում՝ Չինաստանը, Հնդկաստանը, Ղազախստանը, Ղրղզստանը, Պակիստանը, Ռուսաստանը, Տաջիկստանը, Ուզբեկստանը և Իրանի Իսլամական Հանրապետությունը, իսկ Աֆղանստանը, Մոնղոլիան և Բելառուսը այս կազմակերպության դիտորդ անդամներ են։
parstoday.com