ՀԱՅԱԶԴ կայք
ՀԱՅԱԶԴ կայք
Ասիական զարգացման բանկի համար Հայաստանը շատ վստահելի գործընկեր է. ԱԶԲ գլխավոր տնօրեն

ԱՐՄԵՆՊՐԵՍ: Ասիական զարգացման բանկի համար Հայաստանը շատ վստահելի գործընկեր է, այժմ բանկը նախապատրաստում է Հայաստանի հետ «Երկրի գործընկերության նոր հնգամյա ռազմավարությունը»՝ 2024-2028-ի համար, այդ առումով քննարկումների մեջ է ՀՀ կառավարության հետ:

 

«Արմենպրես»-ի հաղորդմամբ՝ այս մասին Երևանում լրագրողների հետ ճեպազրույցում նշեց Ասիական զարգացման բանկի Կենտրոնական և Արևմտյան Ասիայի գծով գլխավոր տնօրեն Եվգենի Ժուկովը

 

Ժուկովը Հայաստան այցի ընթացքում հանդիպել է ՀՀ նախագահ Վահագն Խաչատուրյանի, փոխվարչապետ Մհեր Գրիգորյանի, ֆինանսների նախարար Տիգրան Խաչատրյանի հետ, նրանց հետ քննարկել Ասիական զարգացման բանկի ընթացիկ ծրագիրը, ինչպես նաև՝ 2024-2028-ի համար նախապատրաստվող հնգամյա ռազմավարությունը:

«Մենք շատ ուրախ ենք, որ կառավարությունը մեզ վստահել է, որ լինենք երկրի ամենախոշոր, բազմակողմանի ֆինանսավորման գործընկերը: 2005 թվականից ի վեր, երբ Հայաստանը դարձավ Ասիական զարգացման բանկի անդամ, մենք տրամադրել ենք մոտ 1.6 մլրդ դոլարի աջակցություն Հայաստանին»,- ասաց գլխավոր տնօրենը՝ հավելելով, որ տեղում տեսել է այդ աջակցության  շոշափելի արդյունքները:

 

Նա նշեց բանկի կողմից ֆինանսավորված մի շարք ծրագրերի մասին, այդ թվում՝ «Հյուսիս-Հարավ» ճանապարհի կառուցման մասին, որը մասնակիորեն ֆինանսավորում է ԱԶԲ-ի կողմից, Արգավանդ-Շիրակի փողոց կամրջի կառուցման մասին:

 

2005 թվականից ի վեր Ասիական զարգացման բանկը աջակցություն է տրամադրում Հայաստանում ծրագրերի իրականացմանը մի շարք ոլորտներում՝ տրանսպորտ, հանրային ոլորտի կառավարում, ֆինանսներ, էներգետիկա, ջրամատակարարում, քաղաքաշինություն, սոցիալական ծառայությունների բարելավում և այլն:  Ավարտին է մոտենում Քաղաքային կայուն զարգացման ներդրումային ծրագիրը: Հաջորդ տարվա համար քննարկվում է Կանաչ քաղաքային զարգացման բարելավման ծրագիրը:

«Հաջորդ տարվա համար մենք հիմա դիտարկում ենք մի քանի ծրագրեր: Մենք  դիտարկում ենք նաև դպրոցների սեյսմակայունության ծրագրի ընդլայնման տարբերակը: Կառավարության հետ քննարկում ենք նաև Հյուսիս-հարավ ճանապարհային միջանցքի համար հետագա աջակցության հնարավորությունը»,- հայտնեց ԱԶԲ Կենտրոնական և Արևմտյան Ասիայի գծով գլխավոր տնօրենը:

 

Առաջիկա 5-ամյա ռազմավարությունը նախապատրաստման փուլում է: Կառավարության բարձր մակարդակի պաշտոնյաների հետ քննարկումներ են ունեցել՝ հասկանալու համար, թե ինչ է ցանկանում կառավարությունը: «Մեր կորպորատիվ հետաքրքրության հիմնական ուղղություններից մեկը կլիմայի բարելավման ֆինանսավորումն է: Ասիական զարգացման բանկի նախագահն ասել է, որ մինչև 2030 թ. մենք 100 մլրդ դոլարի ֆինանսավորում ենք տրամադրելու կլիմայի փոփոխության հետ կապված նախաձեռնություններին: Մենք հիմա ՀՀ կառավարության հետ գտնվում են քննարկումների փուլում, թե սա որքանով է կիրառելի Հայաստանում»,- ասաց գլխավոր տնօրենն ու որպես հնարավոր ուղղություններ նշեց վերականգնվող էներգետիկան ու պարենային անվտանգությունը:

Ժուկովը հայտնեց, որ նախորդ օրը ՀՀ կառավարության հետ ստորագրել են 1 մլն դոլարի աջակցության փաթեթ, որ ուսումնասիրվի հողմային էներգետիկայի տարբերակը: ԱԶԲ-ն ՀՀ կառավարության հետ քննարկում է նաև ոռոգման ոլորտում որոշակի հնարավոր ներդրումների տարբերակը:

«Ասիական զարգացման բանկի համար Հայաստանը շատ վստահելի գործընկեր է: Եվ հուսով եմ, որ Հայաստանը նույնպես ԱԶԲ-ն դիտարկում է որպես հուսալի գործընկեր»,- ընդգծեց Ժուկովը:

ԱԶԲ հայաստանյան գրասենյակի տնօրեն Պաոլո Սպանտիգատին, որը Հայաստանում է արդեն ավելի քան 3 տարի, նկատեց՝ ՀՀ ներկայիս կառավարությունը ավելի շատ հանձնառություն է ստանձնել կոռուպցիայի դեմ պայքարում, ինչն իրենք ողջունում են: Ասիական զարգացման բանկը որևէ ձևով չի հանդուրժում կոռուպցիան:


ՀԱՅԱԶԴ կայք Նմանատիպ Լուրեր
հհ,ագ,փոխնախարարն,անդրադարձել,աճի,բարձր,տեմպերին,տնտեսական , ՀՀ ԱԳ փոխնախարարն անդրադարձել է տնտեսական աճի բարձր տեմպերին
ՀՀ ԱԳ փոխնախարարն անդրադարձել է տնտեսական աճի բարձր տեմպերին
Դեկտեմբերի 15-ին ՀՀ ԱԳ նախարարի տեղակալ Պարույր Հովհաննիսյանը մասնակցել է Սևծովյան տնտեսական համագործակցության կազմակերպության (ՍԾՏՀԿ) անդամ պետությունների ԱԳ նախարարների խորհրդի (ԱԳՆԽ) առցանց 47-րդ հանդիպմանը։
կառավարությունը,հավանություն,տվեց,եատմ-ի,եւ,իրանի,միջեւ,ազատ,առեւտրի,համաձայնագրին , Հայաստանի կառավարությունը հավանություն տվեց ԵԱՏՄ-ի եւ Իրանի միջեւ ազատ առեւտրի համաձայնագրին
Հայաստանի կառավարությունը հավանություն տվեց ԵԱՏՄ-ի եւ Իրանի միջեւ ազատ առեւտրի համաձայնագրին
Կառավարությունն իր դեկտեմբերի 14-ի նիստում հավանություն տվեց ԵԱՏՄ-ի եւ Իրանի միջև ազատ առևտրի մասին համաձայնագրի ստորագրմանը:
թուրքական,լիրան,հասել,պատմական,նվազագույնի,լիրա , Թուրքական լիրան հասել է պատմական նվազագույնի
Թուրքական լիրան հասել է պատմական նվազագույնի
Երկուշաբթի թուրքական լիրայի նկատմամբ դոլարի փոխարժեքը պատմության մեջ առաջին անգամ գերազանցել է 29 լիրան՝ 1 դոլարի դիմաց։ Այս մասին են վկայում TradingView տերմինալի առևտրի տվյալները։
հայաստանի-ազգային-ժողով,աժ,մաքսային-հարցերով-համագործակցության-համաձայնագիր,հայաստան,հնդկաստան , ԱԺ-ն վավերացրեց Հայաստանի և Հնդկաստանի միջև մաքսային հարցերով համագործակցության համաձայնագիրը
ԱԺ-ն վավերացրեց Հայաստանի և Հնդկաստանի միջև մաքսային հարցերով համագործակցության համաձայնագիրը
Հայաստանի ազգային ժողովը վավերացրեց «Հայաստանի Հանրապետության կառավարության և Հնդկաստանի Հանրապետության կառավարության միջև՝ մաքսային հարցերով համագործակցության և փոխադարձ օգնության մասին» համաձայնագիրը:
թուրքմենստանն,ու,թուրքիան,ցանկանում,են,իրանի,տարածքով,գազ,մատակարարել , Թուրքմենստանն ու Թուրքիան ցանկանում են Իրանի տարածքով գազ մատակարարել
Թուրքմենստանն ու Թուրքիան ցանկանում են Իրանի տարածքով գազ մատակարարել
Թուրքմենական պետության բնական ռեսուրսների բազան հնարավորություն է տալիս շահագրգիռ երկրներին և տարածաշրջաններին լիովին ապահովել էներգետիկ ռեսուրսներով։
հայաստան,սատմ,հայաստանի-սննդի-անվտանգության-տեսչական-մարմին,հայաստան-ներմուծել-սննդամթերքներ,վտանգավոր-սննդամթերքի-ներմուծման-արգելքը-հայաստան,բրազիլիա,իրան , ՍԱՏՄ-ն արգելել է Հայաստան ներմուծել Բրազիլիայից և Իրանից որոշ սննդամթերքներ՝ լաբորատոր անհամապատասխանության պատճառով
ՍԱՏՄ-ն արգելել է Հայաստան ներմուծել Բրազիլիայից և Իրանից որոշ սննդամթերքներ՝ լաբորատոր անհամապատասխանության պատճառով
Հայաստանի Հանրապետության սննդի անվտանգության տեսչական մարմնի իրականացրած սահմանային վերահսկողության արդյունքում նոյեմբերի 24-28-ը լաբորատոր անհամապատասխանության հիմքով, արգելվել է ՀՀ ներմուծել վտանգավոր սննդամթերք:

<< Հայազդ>> կայքում արտահայտված որոշ կարծիքները պարտադիր չէ, որ համընկնեն կայքի խմբագրության տեսակետի հետ: