Ադրբեջանի և Թուրքիայի հետ մենք իսկապես կանգնած ենք նոր նվաճողական պատերազմի առաջ՝ Եվրոպայի դարպասների մոտ․ Վալերի Բուայե
«Մենք իսկապես կանգնած ենք նոր նվաճողական պատերազմի առաջ Եվրոպայի դարպասների մոտ։ Ասում եմ ձեզ, եթե լռենք, քարերը կաղաղակեն։ Հանուն այն արժեքների, որոնք մերն են, և հանուն որոնց մենք պաշտպանում ենք Ուկրաինան, պետք է փրկել Հայաստանը»,- ասել է Բուայեն՝ մեջբերում անելով Ղուկասի ավետարանից։
Վալերի Բուայեն անդրադարձել է նաև Ֆրանսիայի կողմից Հայոց ցեղասպանության ճանաչմանը։
«1915 թվականի Հայոց ցեղասպանության ճանաչումը մեզ պետք է ստիպեր ավելի զգոն լինել, որպեսզի ոչ մի ժողովուրդ չտուժի այդ սարսափներից, և նրանք, ովքեր այդ ատելության զոհն են դարձել, կարողանան վերջնականապես պաշտպանված լինել։ Ցավոք, պատմությունը կրկնվում է։ Բայց նույնիսկ եթե պատմությունը հավերժական վերսկսում է, այն չպետք է լինի հավերժական հրաժարում: Մի՛ սխալվեք, Ադրբեջանի և Թուրքիայի հետ մենք իսկապես կանգնած ենք նոր նվաճողական պատերազմի առաջ՝ Եվրոպայի դարպասների մոտ»,- ասել է նա։
Թարգմանությունը՝ factor.am