Իրանի զարգացումն ու առաջընթացը չեն դանդաղի սպառնալիքներով և պատժամիջոցներով
Ուրբաթ օրն Իրանում Իմպերիալիզմի դեմ պայքարի օրվան նվիրված երթի ժամանակ, նշելով, որ ԱՄՆ-ն այսօր իմպերիալիզմի խորհրդանիշն է, Էբրահիմ Ռայիսին հավելել է. «ԱՄՆ-ն լավ գիտի, որ Իրանը տարածաշրջանում ազդեցություն ունի, և որ առանց Իրանի համաձայնության, տարածաշրջանում որևէ հավասարում իրականություն չի դառնա»:
Ռայիսին հավելել է. «Մենք տեսնում ենք թե դուք ինչ արեցիք Աֆղանստանի, Սիրիայի, Իրաքի, տարածաշրջանի և աշխարհի ժողովուրդների հետ ազատության անվան տակ: Մենք տեսնում ենք այդ երկրների պայմանները, տեսնում ենք, թե ինչպես եք ստրկացրել ազգերին ազատության և ահաբեկչության դեմ պայքարի անվան տակ, սակայն իմացեք, որ ինչպես մի շարք երկրների, այդ թվում՝ Սիրիայի դեպքում, Իրանում նույնպես դա հնարավոր չէ»:
Արձագանքելով Ջո Բայդենի՝ Իրանում անկարգություններին հովանավորող հայտարարություններին, Ռայիսին նշել է, որ ԱՄՆ-ն առաջատար է պատերազմների և արյունահեղության մեջ և ոտնահարում է ազգերի շահերը՝ իր շահերն ապահովելու համար: Նրա խոսքով. «ԱՄՆ նախագահն ասաց, թե իրենք ցանկանում են ազատել Իրանը, բայց Իրանը 43 տարի առաջ ազատվեց և այլևս նարնց գերին չէ ու երբեք այլևս «կթու կով» չի լինի»:
Ռայիսին հավելել է. «Իրանցի երիտասարդները տարածաշրջանում և աշխարհում առաջատար են և Իրանի զարգացումն ու առաջընթացը չեն դանդաղի սպառնալիքներով և պատժամիջոցներով»:
ԻԻՀ նախագահը հավելել է. «Իրանի հզորությունը միայն հրթիռների ու ռազմական հզորության մեջ չէ, մեր հզորությունը նոյեմբերի 4-ի երթին միլիոնավոր մարդկանց ներկայությունն է»:
/parstoday.com