Իրանի ԱԳՆ-ն հերքել է Սաուդյան Արաբիայի վրա հնարավոր հարձակման մասին ամերիկյան տվյալները
Իրանը պաշտոնապես հերքել է Սաուդյան Արաբիայի վրա Իրանի հարձակման նախապատրաստման մասին ամերիկյան ԶԼՄ-ների հաղորդումները:
Sputnik Արմենիայի փոխանցմամբ, Իրանի ԱԳՆ ներկայացուցիչ Նասեր Քանանիի հայտարարության համաձայն՝ իր երկիրը նման մտադրություններ չունի։
«Իրանի Իսլամական Հանրապետությունը որդեգրել է բարիդրացիական քաղաքականություն, գործում է փոխադարձ հարգանքի հիման վրա և միջազգային իրավունքի շրջանակում, ձգտում է տարածաշրջանում կայունության և անվտանգության ամրապնդմանն ու կշարունակի կառուցողական փոխգործակցությունը հարևան երկրների հետ», - նշված է Քանանիի` Իրանի ԱԳՆ-ի կայքում հրապարակված հայտարարության մեջ:
Ավելի վաղ The Wall Street Journal թերթը գրել էր, որ Սաուդյան Արաբիան ԱՄՆ-ին հայտնել է թագավորության թիրախների վերաբերյալ Իրանից «անխուսափելի հարձակման» մասին հետախուզական տվյալներով: Միևնույն ժամանակ, ԱՄՆ Պետդեպարտամենտի պաշտոնական ներկայացուցիչ Նեդ Փրայսը հայտարարել է, որ Վաշինգտոնը մշտական կապի մեջ է Էր Ռիադի հետ տարածաշրջանում առկա սպառնալիքների վերաբերյալ և պատրաստ է գործել իր շահերի և դաշնակիցների պաշտպանության համար:
civic.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
