Կանն քաղաքում Շառլ Ազնավուրի անվամբ արմավենիների ծառուղի է անվանակոչվել
«Արմենպրես»-ի փոխանցմամբ՝ այս մասին տեղեկացնում են Ազնավուր հիմնադրամից:
Շառլ Ազնավուրի զբոսուղին տանում է դեպի Հայոց ցեղասպանությանը և ֆրանսիական դիմադրության շարժման հայազգի անդամներին նվիրված հուշարձան։
Զբոսուղու անվանակոչման հանդիսավոր արարողությանը ներկա են եղել Կաննի քաղաքապետ Դավիդ Լիսնարը, Ֆրանսիայում ՀՀ դեսպան Հասմիկ Տոլմաջյանը, Նիկոլա Ազնավուրը, Կաննի հայերի միության անդամները, այլ հյուրեր։
Շառլ Ազնավուրը Կաննի կինոփառատոնի մշտական մասնակիցներից էր՝ թե՛ որպես դերասան, թե՛ որպես ժյուրիի անդամ։ Նա ամուր կապեր է ունեցել այս քաղաքի հետ և անգամ ստացել է Կաննի պատվավոր քաղաքացու կոչում։
«Այս իրադարձությունը տեղի է ունենում այն ժամանակ, երբ Հայաստանը հերթական անգամ հարձակման է ենթարկվում, և սպառնալիքի տակ է նրա գոյատևման հարցը: Մենք չպետք է անտարբեր մնանք. ներկայիս աշխարհաքաղաքական իրավիճակը չպետք է քողարկի այս իրողությունը։ Ես ցանկանում եմ ընդգծել մեր կապը, մեր հարգանքն ու աջակցությունը հայտնել Հայաստանին։ Մենք պետք է աջակցենք հայերին, որոնք ճնշման են ենթարկվում, և պաշտպանենք նրանց ամբողջականությունը»,- ասել է Կաննի քաղաքապետ Դավիդ Լիսնարը:
Նմանատիպ Լուրեր
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։