Իսլամական Հանրապետության մարդու իրավունքների շտաբի նիստում, անդրադառնալով ծայրահեղականության,  ահաբեկչության ու բռնության խրախուսման հանցագործության համար  Բրիտանիայի 7   կառույցների և 13 պաշտոնյաների, այդ թվում՝ «Iran International» և «BBC Farsi» հեռուստաալիքների նկատմամբ պատժամիջոցների կիրառմանը, Հոսեյն Ամիր Աբդոլլահյանն ասել է.«Առաջիկա օրերին ԻԻՀ-ի պատժամիջոցների ցուցակում կներառվեն Եվրամիության ևս մի քանի կառույցների ու անձանց անունները»։

Իրանի արտաքին գործերի նախարարությունը չորեքշաբթի օրը՝ հոկտեմբերի 19-ին, հայտարարություն է տարածել, որում հայտնել է Բրիտանիայի մի քանի  կառույցների և  քաղաքացիների դեմ պատժամիջոցներ սահմանելու մասին։

Նշված պատժամիջոցները ներառում են վիզաների տրամադրման և ԻԻՀ մուտք գործելու արգելք, նրանց գույքի և ունեցվածքի բռնագրավում ԻԻՀ-ի իրավասության տարածքում, ինչպես նաեւ նրանց բանկային հաշիվների արգելափակում Իրանի ֆինանսական եւ բանկային համակարգում։

parstoday.com