Թեհրանի բովանդակալից ուղերձը Բաքվին՝ Հայաստանի Սյունիքի մարզից
Խնդիրը նրանում է, որ Ադրբեջանի նախագահ Իլհամ Ալիևը Հայաստանի հետ անցած տարվա պատերազմից և Ղարաբաղի տարածքների վերագրավումից հետո, որոշել է տիրանալ 40 կմ միջանցքին, որն այդ երկիրը կապում է Նախիջևանին ու Թուրքիային և գործնականում կտրում Իրան-Հայաստան սահմանն ու Իրան-Եվրոպա կապը։ Անհիմն ցանկություն, որին լուրջ հակազդեցին Իրանի զինյալ ուժերը և Ալիևը նահանջեց իր դիրքից։
Վերջին երկու շաբաթվա ընթացքում և Հայաստանի ու Ադրբեջանի ուժերի սահմանային բախումներին զուգահեռ, լուրեր շրջանառվեցին թե Ալիևը, հետևելով Թել Ավիվի սցենարին, կրկին երազում է տիրանալ այս միջանցքին և մտադիր է Կովկասի տարածաշրջանում փոփոխության ենթարկել սահմանային հավասարումները: Իրանի ռազմական և պետական իշխանությունները վճռական արձագանքեցինա սյ լուրերին: Վերջին օրերին Արաքսում անցկացվել է Իսլամական հեղափոխության պահապանների կորպուսի ցամաքային զորքերի ուժերի մեծ զորավարժությունը։ Զորավարժություններ, որոնք տարբեր առումներով, այդ թվում՝ անցկացման շրջանակներով, Իսլամական հեղափոխության պահապանների կորպուսի ցամաքային զորքերի պաշտպանության և անվտանգության համակցված սցենարների իրականացմամբ, լողացող կամուրջների կիրառմամբ ու Արաքսից անցումով, աննախադեպ էին իրենց տեսակի մեջ, և, իհարկե, կարևոր ուղերձ էին պարունակում՝ ուղղված ադրբեջանական կողմին: Ուղերձ, որի մասին օրերս շատ պարզ ու բացահայտ հայտարարեց Իսլամական հեղափոխության պահապանների կորպուսի համակարգողի տեղակալն ասելով.«Սահմանների փոփոխությունը շատ լուրջ է. Ադրբեջանը հասավ այն ամենին, ինչին ձգտում էր, և Ղարաբաղն ազատագրվեց: Մենք շնորհավորեցինք այդ կապակցությամբ, բայց եթե այսօր ագրեսիա իրականանա, և մեր սահմանները փոխվեն, ու Իրանը Եվրոպային միացնող հազարավոր տարիների ուղիները վտանգվեն, մենք կդիմակայենք»։
Գեներալ մայոր Փուրջամշիդեյանն ընդգծել է.«Հարևան երկրները հավակնում էին, որ սիոնիստների ներկայությունը պատրանք է, որն ունի Իրանը, և մենք նաև ասում ենք, որ հույս ունենք, որ դա պատրանք կլինի, քանի որ եթե դա իրականություն լինի, իրենք կկրեն Սիոնիստական ռեժիմի ներկայության հետևանքները և ժամանակին պետք է պատասխանատվության ենթարկվեն »:
Իրանի ԱԳ նախարար Ամիր Աբդոլլահյանի խոսքով՝ Թեհրանը Հայաստանի անվտանգությունը դիտարկում է որպես տարածաշրջանի անվտանգություն։ Այնուամենայնիվ Իրանի զգուշացումը միայն ռազմական և անվտանգության բնագավառում չսահմանափակվեց , և Իրանի դիվանագիտության ղեկավարի Հայաաստան կատարած վերջին այցի ընթացքում, երեկ Հայաստանի Կապան քաղաքում բացվեց Իրանի գլխավոր հյուպատոսությունը: Կապանը գտնվում է Սյունիքի մարզում, որի հարավից անցնում է 40 կիլոմետրանոց միջանցքը: Այս քայլն անկախ Թեհրանի և Երևանի միջև երկկողմ դիվանագիտական հարաբերությունների ընդլայնումից, հստակ ուղերձ ունի Բաքվին՝ հրաժավել մտածել այս աշխարհաքաղաքական միջանցքի մասին:
Նկատի առնելով, որ Գորոս-Կապան նոր ճանապարհի շինարարությունը մուտք է գործում ավարտական փուլ, Ռուսաստանի, Վրաստանի և Հնդկաստանի միջև համագործակցության մեկնարկը՝ դեպի Սև ծով և Եվրոպա ընթացող Պարսից ծոցի միջանցքի կառուցման հարցով և որպես Իրանի ու Հայաստանի միջև տարանցիկ ճանապարհ՝ Մեղրիի ազատ գոտու ակտիվացումը, գլխավոր հյուպատոսության դերն առավել ընդգծված կլինի տնտեսական համագործակցության ամրապնդման գործում։
Աղբյուր՝ Խորասան օրաթերթ
parstoday.com