Նոյեմբերի 16-ին Պրիշտինայի «Ֆադիլ Վոկրի» մարզադաշտում Հայաստանի հավաքականը կմրցի Կոսովոյի, այնուհետև նոյեմբերի 19-ին Տիրանայի «Էյր Ալբանիա» մարզադաշտում՝ Ալբանիայի հավաքականի հետ: Այս պահին մեր գլխավոր թիմը չունի մարզիչ։ Մամուլում շրջանառվող տեղեկությունների համաձայն ՀՖՖ-ն բանակցում է իսպանացի ճանաչված մասնագետ Մարսելինյո Տորալի հետ։ Հիշեցնենք, որ ՀՖՖ-ն ազգային հավաքականի առաջ խնդիր է դրել նվաճել 2024 թվականի Եվրոպայի առաջնության եզրափակիչ փուլի ուղեգիր։ Իրականում ի՞նչ ներուժ ունի մեր ազգային թիմը և իրատեսական է արդյոք Եվրոյի ուղեգրի համար պայքարելը։ Անցյալ տարի Հայաստանի հավաքականի ելույթն աշխարհի առաջնության ընտրական փուլում դժգոհության ալիք էր բարձրացրել երկրպագուների շրջանում։ Հիշեցնենք, որ մեր ազգային թիմը ընտրական J ենթախմբում 10 խաղում վաստակելով 12 միավոր զբաղեցրել էր 4-րդ հորիզոնականը։

1in.am