Թուրքիայի ռազմական ծախսերը 2023 թվականին կհասնեն ռեկորդային թվի
Թուրքիայի պաշտպանական ծախսերի համար 2023 թվականին նախատեսված է 468,7 միլիարդ թուրքական լիրա, ինչը ԿԲ ներկայիս փոխարժեքով կազմում է 25,2 միլիարդ դոլար։
«Պաշտպանության և անվտանգության» մասնագիտական հարթակը, մեկնաբանելով հաջորդ տարվա բյուջեի նախագիծը, նշել է, որ սա երկրի պատմության մեջ ամենամեծ ռազմական ծախսերն են։ Մինչ այդ Թուրքիայի ռազմական ծախսերն ամենաշատը եղել են 2019 թվականին՝ 20,6 մլրդ դոլար, անցյալ տարի՝ 15,4 մլրդ դոլար։ Թուրքիան ՆԱՏՕ-ի անդամ է 1952 թվականից և ունի մեծությամբ երկրորդ բանակը։
Թուրքիայի զինվորականները հոկտեմբերի 18-ին փոքր հեռահարության բալիստիկ հրթիռի փորձարկում են անցկացրել: Այդ մասին, հաղորդել Է Bloomberg գործակալությունը՝ վկայակոչելով իրադրությանը ծանոթ երկու աղբյուրների:
Աղբյուրների խոսքով, որոնք ցանկացել են անհայտ մնալ, Tayfun հրթիռն առավոտյան մոտավորապես 07:00-ին արձակել են Ռիզե նավահանգստային քաղաքի մերձակայքի օդանավակայանի շարժական հարթակից: Հրթիռը թռել Է 561 կիլոմետր եւ ընկել Սեւ ծովը: Հրթիռի մշակումը կատարվել Է գաղտնի, մի քանի տարվա ընթացքում: Թուրքիայի իշխանությունները հրաժարվել են որեւԷ տեղեկատվություն տալ հրթիռի մասին, նշում Է Bloomberg-ը, հաղորդել Է «Ինտերֆաքս»-ը:
1in.am
Նմանատիպ Լուրեր
