Գեներալ Փաքփուր.Մեկնարկել է զորավարժությունների տարածքում հենասյուներ տեղադրելու և զորքեր տեղակայելու ծրագիրը
Իրանի Իսլամական հեղափոխության պահապանների կորպուսի(ԻՀՊԿ) ռազմացամաքային ուժերի հրամանատարը նշելով,որ առաջիկա երկու օրերը կլինեն ԻՀՊԿ-ի ռազմացամաքային ուժերի զորավարժությունների օպերատիվ գագաթնակետը, ասել է.«Վաղը գործողության կանցնեն զրահապատ ստորաբաժանումներ, հատուկ նշանակության ջոկատներ, ուղղաթիռներ և մարտական անօդաչու թռչող սարքեր»։
Բրիգադային գեներալ Մոհամմադ Փաքփուրն Արաքսի շրջանում, Արդաբիլ և արևելյան Ատրպատական նահանգներում ընթացող ԻՀՊԿ-ի ռազմացամաքային ուժերի զորավարժությունների երկրորդ օրվա փուլերի մասին ասել է.«Մեկնարկել է զորավարժությունների տարածքում հենասյուներ տեղադրելու և զորքեր տեղակայելու ծրագիրը»։
Իսլամական հեղափոխության պահապանների կորպուսի ռազմացամաքային ուժերի հրամանատարը հստակեցրել է.«Հենասյուներ տեղադրելը զորավարժության ամենադժվար փուլերից է, քանի որ տեխնիկան պետք է հատուկ կարգով անցկացնել առանցքներով և ճանապարհներով , որն ունի իր նկատառումները և կշարունակվի մինչև այսօր երեկո»։
Բրիգադային գեներալ Մոհամմադ Փաքփուրը հավելել է.«Զորավարժությունների տարբեր փուլերն են՝ պարաշյուտային ուղղաթիռային օպերացիա, գիշերային գրոհի գործողությունը, ուղղաթիռների մարտական գործողությունը, մարտական ու մահաբեր անօդաչու թռչող սարքերի գործողությունը, ինչպես նաև Արաքս գետի վրա կամրջի կառուցումը, հաղորդակցության ուղիների գրավումը և հսկողությունը, բարձունքների գրավումը ու գրոհային ավերածությունները»:
parstoday.com