Փորձագետը գնահատեց Հայաստանում գործազրկության մակարդակը
Գործազրկության իրական մակարդակը, չնայած աշխատատեղերի աճին, չի նվազում։ Այս մասին NEWS.am-ի թղթակցի հետ զրույցում ասաց Հայաստանի գործատուների հանրապետական միության նախագահ Գագիկ Մակարյանը։
Աշխատատեղերի ավելացումը, նրա խոսքով, կապված է նախկինում «ստվերում» գտնվող տնտեսվարող սուբյեկտների օրինականացման, նոր բիզնեսների առաջացման եւ կորոնավիրուսի ժամանակ փակված ձեռնարկությունների գործունեության վերսկսման հետ։
«Իմ հաշվարկներով՝ գործազրկության մակարդակը կազմում է առնվազն 15-16 տոկոս»,- հավելեց Մակարյանը։
Իշխանությունները հայտնում են Հայաստանում ավելի քան 660 000 աշխատատեղերի առկայության մասին։ Այս ցուցանիշն աճել է 60-70 հազարով, ինչը փորձագետները կապում են նաեւ ռուս զբոսաշրջիկների հոսքի հետ, որոնք ծառայությունների ոլորտում աշխատուժի լրացուցիչ պահանջարկ են ձեւավորել։
Փորձագետները նշում են, որ Հայաստանում ամենից շատ շինարարության ոլորտի մասնագետների, էլեկտրիկների, տեխնոլոգների, ինժեներների եւ արդյունաբերության ոլորտի աշխատողների, բեռնատարների վարորդների, տեքստիլ արդյունաբերության մասնագետների, գինեգործները, խոհարարները, սարքավորումների սպասարկման մասնագետները, էլեկտրոնիկայի մասնագետների պահանջարկ կա։ Ընդ որում, ժամանակի ընթացքում այդ մասնագետների դեֆիցիտը երկրում աճում է։
Արամ Դանիելյան
Նմանատիպ Լուրեր
