Հանդիպմանը, նշելով, որ ԻԻՀ-ը կարևորում է հարևան պետությունների, հատկապես կովկասյան երկրների հետ հարաբերությունների ընդլայնումը,Իրանի Իսլամական խորհրդարանի փոխնախագահն ասել է.«Թեհրանն ու Երևանը պետք է փորձեն օգտագործել միմյանց փոխլրացնող կարողությունները տարբեր ոլորտներում, հատկապես տնտեսական ասպարեզում փոխադարձ հարաբերություններն ամրապնդելու ուղղությամբ»:

Նշելով, որ  երկրների տարածքային ամբողջականությունը և միջազգային սահմանների պահպանումը անխախտ սկզբունքներ են Իրանի Իսլամական Հանրապետության քաղաքականության մեջ, Իսլամական խորհրդարանի փոխնախագահն ասել է.«Իրանի Իսլամական Հանրապետությունը մշտապես աջակցում է տարածաշրջանում և միջազգային մակարդակով խաղաղության  հաստատմանը»ասել է Աբդոլռեզա Մեսրին։

Իրան-Հայաստան խորհրդարանական բարեկամական խմբի ղեկավար Գևորգ Պապոյանը ևս Իրանի Իսլամական Հանրապետությունը համարեց Հայաստանի տնտեսական-ռազմավարական և անվտանգության գործընկերը և ասաց. «Իրանի Իսլամական Հանրապետության հետ հարաբերությունները կարևոր են մեզ համար՝ որպես տարածաշրջանում հզոր երկրի»:

Նա բարձր է գնահատել Իրանի Իսլամական Հանրապետության իշխանությունների դրական և կառուցողական դիրքորոշումները, հատկապես Իսլամական հեղափոխության գերագույն առաջնորդի դիրքորոշումները երկրների ինքնիշխանության հարգման և տարածքային ամբողջականության պահպանման վերաբերյալ։

parstoday.com