ՀԱՅԱԶԴ կայք
ՀԱՅԱԶԴ կայք
Հայաստանում առաջին անգամ ԹեոդորԿուրենտզիսի ղեկավարությամբ հանդես կգան musicAeterna-ի չորս երաժշտախմբերը

Առաջին անգամ Հայաստանում համերգներով հանդես կգան լեգենդար դիրիժոր Թեոդոր Կուրենտզիսը, musicAeterna նվագախումբը, երգչախումբը, պարային խումբը և musicAeterna byuzantina երգչախումբը:

«Արմենպրես»-ի հաղորդմամբ՝ համերգները տեղի կունենան հոկտեմբերի 14-ին և 16-ին «Արամ Խաչատրյան» համերգասրահում, հոկտեմբերի 15-ին՝ Զվարթնոց տաճարում և հոկտեմբերի 17-ի լույս 18-ի գիշերը՝ Գյումրու Սուրբ Աստվածածին Մայր եկեղեցում:
Հյուրախաղերի նպատակն է համերգներով ընդգծել Հայաստանի հարուստ մշակութային ժառանգությունը, ներկայացնել համաշխարհային դասական և հոգևոր երաժշտությունը, ինչպես նաև նպաստել երկրի երիտասարդ տաղանդների զարգացմանը: musicAeterna-ի գեղարվեստական ուղղվածությունը երկար տարիներ հիմնվում է մշակույթների միաձուլման, պատմության ու մեր ժամանակների երկխոսության վրա, ինչը հաջողությամբ իրագործվում է երաժիշտների բարձր պրոֆեսիոնալիզմի շնորհիվ:
Հյուրախաղերի մեկնարկը կտրվի հոկտեմբերի 14-ին Երևանում: «Արամ Խաչատրյան» համերգասրահում musicAeterna-ն կկատարի Պյոտր Իլյիչ Չայկովսկու «Ֆրանչեսկա դա Ռիմինի» սիմֆոնիկ ֆանտազիան (ըստ Դանթեի), Իտալական կապրիչոն և «Ռոմեո և Ջուլիետ» նախերգանք-ֆանտազիան (ըստ Շեքսպիրի):
Հոկտեմբերի 15-ին Արարատ լեռան ստորոտին՝ Զվարթնոցի տաճարի մոտ, մայրամուտին տեղի կունենա «Տառապանքը բոլոր լեզուներով նույն կերպ է հնչում» պար-ողբի պրեմիերան: Բեմադրությունը կներկայացնի musicAeterna Dance խումբը, որի հիմնադիրը նույնպես Թեոդոր Կուրենտզիսն է։ Պարային ներկայացման խորեոգրաֆը Վլադիմիր Վառնավան է, ռեժիսորը՝ Աննա Գուսևան:
Հյուրախաղային ծրագրի գագաթնակետը Ալֆրեդ Շնիտկեի Կոնցերտի կատարումն է a capella երգչախմբի համար՝ ըստ Գրիգոր Նարեկացու բանաստեղծական տեքստերի: Այն տեղի կունենա հոկտեմբերի 16-ին «Արամ Խաչատրյան» համերգասրահում:
 
Այս ստեղծագործությունը, որն անդրադառնում է աստվածաբան-փիլիսոփա Գրիգոր Նարեկացու ժառանգությանը, որը քրիստոնեական միջնադարյան հայ մշակույթի գագաթն է, կկատարվի ի նշան համաշխարհային արվեստի պատմության մեջ հայկական մշակութային ժառանգության կարևորության ճանաչման։
Շնիտկեի երգչախմբային կոնցերտը դասվում է 20-րդ դարի ամենանշանակալի խմբերգային ստեղծագործությունների շարքին, այն երաժշտական արվեստը բարձրացնում է հոգևոր հայտնության մակարդակի։ Կոմպոզիտորը ստեղծագործության վրա աշխատել է 1984-1985 թվականներին՝ կրոնին ավելի մոտենալու և իր մկրտության ժամանակ, հոգևոր երաժշտության նկատմամբ մեծ հետաքրքրության ալիքի վրա, որի արդյունքը եղավ սեփական ոճի վերաիմաստավորումը: Կոնցերտը հիմնված է Նարեկացու «Մատյան ողբերգության» աղոթագրքի վրա:
 
Հյուրախաղերը կավարտվեն հոկտեմբերի 17-ի՝ լույս 18-ի գիշերը: Գյումրու Սուրբ Աստվածածին Մայր եկեղեցում musicAeterna և musicAeterna byuzantina երգչախմբերը կներկայացնեն Lux Aeterna («Հավերժական լույս») ծրագիրը, որը միավորում է տասդարյա ռուսական և եվրոպական հոգևոր երաժշտությունը: Այստեղ ժամանակակից կոմպոզիտորների օպուսներին հաջորդում են միջնադարյան ստեղծագործությունները, որոնք զարմանալի կերպով խոսում են նույն լեզվով:
Չնայած կատարվող ստեղծագործությունները բարդ են և տարաբնույթ, ծրագիրը կառուցված է հարմոնիկ և ընկալվում է որպես մեկ ամբողջական կտավ: Բոլոր ստեղծագործությունները չեն, որ եկեղեցական կանոնիկ ավանդույթի մաս են կազմում, այնուամենայնիվ, Lux Aeterna-ն հիմնականում կատարվում է տաճարներում, որոնց վեհաշուք ներքին հարդարանքն ու ծավալուն ակուստիկան հզորացնում են երաժշտության հոգևոր և էմոցիոնալ ազդեցությունը:
Նախագիծն իրականացվում է Ամենայն Հայոց Կաթողիկոս և Ծայրագույն Պատրիարք, Նորին Սուրբ Օծություն Տեր-Տեր Գարեգին Երկրորդի օրհնությամբ:
Նախագիծն իրականացվում է Հայաստանի Հանրապետության կրթության, գիտության, մշակույթի, սպորտի նախարարության և Էկոնոմիկայի նախարարության մասնակցությամբ: Կոլեկտիվի պատմության մեջ առաջին անգամ հայաստանյան հյուրախաղերը տեղի են ունենում Վարդուհի Նազարյանի նախաձեռնությամբ և աջակցությամբ: Նախագծի կազմակերպիչ՝ Հայաստանի ազգային ֆիլհարմոնիկ նվագախումբ և Արամ Խաչատրյան համերգասրահ:
 
 


ՀԱՅԱԶԴ կայք Նմանատիպ Լուրեր
մուլտիպլիկացիոն-կարճամետրաժ-ֆիլմ,հայկական-կարճամետրաժ-մուլտֆիլմ,կարճամետրաժ-մուլտֆիլմ,օսկարի-հավակնորդ,օսկար,արմատ,արմատ-հայկական-կարճամետրաժ-մուլտֆիլմ,շվեյցարաբնակ-կինոռեժիսոր,էլոդի-դերմանժ ,  «Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
չինաստան,պեկին,խաչատրյանի-անվան-միջազգային-հոբելյանական-մրցույթ,արամ-խաչատրյան-մշակութային-հիմնադրամ,չինաստանի-ազգային-օպերային-թատրոն,չինաստանի-պետական-կառույցներ,հայաստանի-պետական-սիմֆոնիկ-նվագախումբ,սերգեյ-սմբատյան,արամ-խաչատրյան,արամ-խաչատրյանի-120-ամյա-հոբելյան , Պեկինում անցկացվում է Խաչատրյանի անվան միջազգային մրցույթ
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
հայաստան,կգմս-նախարարություն,սիսակ-գաբրիելյան,netflix,ֆիլմեր,ֆիլմ,սերիալներ,ֆիլմարտադրություն,թիլ-շվայգեր,underdog,dead-by-dawn,collapse,նեթֆլիքսի-8-մասանոց-ֆիլմ , Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
յունեսկօ,ոչ-նյութական-մշակութային-ժառանգության-ներկայացուցչ,գյումրի,դարբնություն,դարբին,արվեստ,արհեստ,պապոյան-գերդաստան,գարիկ-պապոյան,վարպետ-գարիկ,գյումրու-դարբնության-ավանդույթը,գյումրու-դարբնության-մշակույթ , Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակու­թային ժառանգության ներկայացուցչական ցանկում է
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակու­թային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։ 
յունեսկօ,unesco,տաթևի-և-մեծ-անապատ-վանական-համալիրներ,որոտան-գետի-կիրճը,հուշարձանախումբ,եռաչափ-լազերային-սկանավորում-և-թվայնացում,հհ-կգմս-նախարարություն,հհ-ագ-նախարարություն,յունեսկօ-ում-հհ-մշտական-ներկայացուցչություն,պոակ,պատմամշակութային-ժառանգության-գիտահետազոտական-կենտ,միջազգային-ֆինանսական-աջակցություն ,  ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
գյումրի,հհ-վաստակավոր-նկարիչ,մինաս-ավետիսյան,մինաս-ավետիսյանի-95-ամյակ,մինաս-ավետիսյանի-95-ամյակին-նվիրված-ցուցահանդես,մինաս-ավետիսյանի-գործերը,ցուցահանդես,գույներ-կերտող-նկարիչը-խորագրով-ցուցահանդես , 45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։

<< Հայազդ>> կայքում արտահայտված որոշ կարծիքները պարտադիր չէ, որ համընկնեն կայքի խմբագրության տեսակետի հետ: