Ծնվելով և մեծանալով Թեհրանում, նա կարողանում է ողջ կյանքում պահել իր հայկական ինքնությունը։ Նրա ծնողները բնիկ շուշեցի էին: Հաղթահարելով մի շարք դժվարություններ կարողանում է ընդունվել Թեհրանի պետական համալսարան և շատ ժամանակ չանցած Լիսաբոնի համալսարան, բայց ֆինանսական խնդիրների պատճառով չի կարողանում ուսումը շարունակել:  Դառնալով ինքնուս կարողանում է լրացնել իր ուսման պակասը ձեռք բերել խորը գիտելիքներ հայ գրականության և արվեստի բնագավառներում:

1967 թվականից սկսում է պաշտոնավարել Թեհրանի հայոց թեմի Հայերենագիտական երեկոյան դասընթացներում՝ որպես հայոց լեզվի, գրականության և գրաբարի դասախոս: Կարողանում է իր հոդվածներում հիմնավորված համեմատականներ անցկացնել հայ և իրանական մշակույթների շրջանակում։

1986 թվականին դառնում է Իրանահայ գրողների միության պատվո անդամ և կարդում է գրական տեսության թեմայով դասախոսական շարան:

1991 թվականին բեմադրում է «Անուշի աչքերով» թատերգությունը՝ ըստ Հ. Թումանյանի «Անուշ»-ի: Այս բեմադրությունը, իր նոր ձևակերպումով մեծ հետաքրքրություն է ստեղծում թատերասեր հասարակության մեջ:

1987 թվականին «Ներսես Շնորհալի» մշակութային ֆոնդի կողմից պարգևատրվում է որպես հայ թատրոնի և հայ դպրոցի վաստակավոր գործիչ:

Պարոն Միշա Հայրապետյանը կյանքին հրաժեշտ տվեց 2010թ. մայիսի 13-ին։ Այդ օրը համընկնում էր Հիսուս Քրիստոսի համբարձման տոնին:

nurblog.info