«Կոմիտաս» գիտաժողովը Հայաստանում հյուրընկալել է հեղինակավոր գիտնականների տարբեր երկրներից
«Արմենպրես»-ի հաղորդմամբ՝ գիտաժողովը մեկնարկեց հոկտեմբերի 7-ին Կոմիտասի թանգարան-ինստիտուտում:
Թանգարան-ինստիտուտի գիտական բաժնի ղեկավար Տաթևիկ Շախկուլյանի խոսքով՝ Կոմիտասի մասին նորությունները չեն կարող սպառվել, քանի որ նրա անձին վերաբերող գաղտնիքները շատ են: «Գիտաժողովի շրջանակում հնարավոր է եղել անգամ նոր ստեղծագործություն «պեղել», որն առաջին անգամ ներկայացվել է նախաձեռնության շրջանակում: Նորություններ միշտ լինում են»,-նշեց նա:
Հյուրերից ոմանք առաջին անգամ չէ, որ մասնակցում են գիտաժողովին: Շախկուլյանը պատմեց, որ հայկական արմատներով կոմպոզիտոր Ջոզեֆ Պոհիկեանը, որը ներկայացնում է Նյու Յորքի համալսարանը, առաջին անգամ չէ մասնակցում գիտաժողովին: Նա պրակտիկա է անցել Կոմիտասի թանգարան-ինստիտուտում, ծանոթացել է ավանդական հայկական երաժշտությանը, հայերեն է սովորել, ծանոթացել է Կոմիտասի տեսությանը, զարգացրել է կոմպոզիտորական երաժշտության հետաքրքիր տեսակ և իր փորձն է ներկայացրել տարբեր գիտաժողովներում:
Շախկուլյանի հավաստիացմամբ՝ գիտաժողովը նորովի է բացահայտում Կոմիտասին, նպաստում է նրա երաժշտության հանրահռչակմանը, օգնում է Կոմիտասի գործունեության ոլորտներին ծանոթանալ այլ մշակույթի շրջանակներում:
Թանգարան-ինստիտուտի տնօրեն Նիկոլայ Կոստանդյանն էլ տեղեկացրեց, որ գիտաժողովի զեկույցների, քննարկումների հիման վրա նախատեսվում են նաև գիտական հրատարակություններ:
Նրա խոսքով՝ Կոմիտասի հանդեպ հետաքրքրությունը երբեք չի նվազում, իսկ թանգարան-ինստիտուտի նախաձեռնած միջոցառումների շնորհիվ Կոմիտասի ճանաչելիությունը մեծանում է, նրա արվեստի վերաբերյալ քննարկումներն ընդլայնվում են:
Կոստանդյանը հիշեցրեց, որ գիտաժողովն անցկացվում է «Կոմիտաս» փառատոնի շրջանակում, որն ավանդաբար մեկնարկում է կոմպոզիտորի ծննդյան օրը՝ սեպտեմբերի 26-ին:
Գիտաժողովներն անցկացվել են ոչ միայն Հայաստանում, այլև արտերկրում: Եղել է տարի, երբ գիտաժողովը կազմակերպվել է Բեռլինի և Հալեի համալսարանների հետ համատեղ Գերմանիայում, եղել է տարի՝ կազմակերպվել է Փարիզում՝ Սորբոնի համալսարանում, իսկ 2022-ին մեծ ընդմիջումից հետո է անցկացվում Կոմիտասի թանգարան-ինստիտուտում, քանի որ Հայաստանում վերջին տարիներին գիտաժողովն անցկացրել են Հառիճի վանքում, Հաղպատի վանքում և այլուր:
Գիտաժողովը կշարունակվի հոկտեմբերի 8-ին և կեզրափակվի Հառիճի վանքում կազմակերպված համերգով, որտեղ կհնչի Կոմիտասի «Պատարագ»-ը:
Նմանատիպ Լուրեր
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։