Կարո Փայլանը ողջունել է Փաշինյան-Էրդողան հանդիպումը. «Հիմա ժամանակն է, որ բոլորն ավելի մեծ պատասխանատվություն ստանձնեն»
«Երեկ Պրահայում չափազանց կարևոր հանդիպումներ են տեղի ունեցել հայ-թուրքական հարաբերությունների կարգավորման և Հայաստանի և Ադրբեջանի միջև խաղաղության համաձայնագրի կնքման համար։ Հիմա ժամանակն է, որ բոլորն ավելի մեծ պատասխանատվություն ստանձնեն Կովկասում կայուն խաղաղության համար»,- Թուրքիայի մեջլիսի հայ պատգամավոր Կարո Փայլան:
Հիշեցնենք, որ Պրահայում՝ Եվրոպական քաղաքական համայնքի գագաթնաժողովի շրջանակներում տեղի է ունեցել Հայաստանի վարչապետ Նիկոլ Փաշինյանի և Թուրքիայի նախագահ Ռեջեփ Թայիփ Էրդողանի հանդիպումը:
Հայաստան-Թուրքիա կարգավորման համատեքստում երկուստեք կարևորվել են ուղիղ շփումներն ու բարձր մակարդակի հանդիպումները:
Նիկոլ Փաշինյանը և Ռեջեփ Թայիփ Էրդողանը քննարկել են Հայաստան-Թուրքիա հարաբերությունների կարգավորման գործընթացն ու այդ ուղղությամբ հետագա հնարավոր քայլերը:Շեշտվել է երկու երկրների հատուկ ներկայացուցիչների քննարկումների արդյունքում ձեռք բերված պայմանավորվածությունների շուտափույթ իրականացման անհրաժեշտությունը:
Մասնավորապես, խոսքը վերաբերում է երրորդ երկրների քաղաքացիների համար ցամաքային սահմանի բացմանը, Հայաստան-Թուրքիա ուղիղ օդային բեռնափոխադրումների իրականացմանը: Մտքեր են փոխանակվել նաև տարածաշրջանային գործընթացների շուրջ:
slim.am