Իրանի նախագահը շնորհավորել է Հայաստանի ժողովրդին և կառավարությանը Հայաստանի Անկախության օրվա առթիվ
Իրանի Իսլամական Հանրապետության նախագահ այաթոլլա Սեյեդ Էբրահիմ Ռաjիսին առանձին ուղերձներով՝ ուղղված ՀՀ նախագահ Վահագեն Խաչատրյանին և ՀՀ վարչապետ Նիկոլ Փաշինյանին, շնորհավորել է նրանց և հայ ժողովրդին՝ անկախության և Հայաստանի Հանրապետության Ազգային տոնի առթիվ։
Այս ուղերձներում Իրանի Իսլամական Հանրապետության նախագահը հույս է հայտնել երկու երկրների հարաբերությունների խորացման համար, իսկ Ամենակարող Աստծուց խնդրել է առողջություն և հաջողություն Հայաստանի Հանրապետության ղեկավարների և երջանկություն ու բարեկեցություն Հայաստանի ժողովրդի համար։
ՀՀ նախագահին ուղղված Ռայիսիի ուղերձում ասվում է.
<Իրանի և Հայաստանի երկու ժողովուրդները՝ ընդհանուր մշակույթով և պատմությամբ, միշտ միասին են անցել աճի և զարգացման ճանապարհը: Հուսով եմ, որ ապագայում, հենվելով հին կապերի վրա, օգտվելով ընդհանուր պատմական կապերից և բարիդրացիության մթնոլորտում, համապարփակ հարաբերությունները կընդլայնվեն և կամրապնդվեն՝ համահունչ երկու ժողովուրդների շահերին>։
Փաշինյանին ուղղված ուղերձում ասվում է.
Հարևանության քաղաքականության շրջանակներում Իրանի Իսլամական Հանրապետությունը կարևորում է հարաբերությունները կովկասյան տարածաշրջանի երկրների, այդ թվում՝ բարեկամ Հայաստանի հետ։ Եվ օգտվելով այդ երկրի հետ ընդհանուր պատմական սահմանից՝ պատրաստ է խորացնել փոխադարձ շահերի վրա հիմնված համակողմանի հարաբերությունները։
Կրկին ընդգծելով Իրանի Իսլամական Հանրապետության սկզբունքային մոտեցումը հարևան երկրների անկախության, ինքնիշխանությանը և տարածքային ամբողջականությանը աջակցելու հարցում՝ ցանկանում եմ ընդգծել կողմերին հետաքրքրող հարցերի շուրջ շարունակական խորհրդակցությունների կարևորությունը>։
parstoday.com
Նմանատիպ Լուրեր
