Երեկ «Մոսկվա» կինոթատրոնում տեղի էր ունեցել Ռոբերտ Քոչարյանի ու իր համակիրների հանդիպումը, որից հետո «Հայաստան» խմբակցության պատգամավոր Ագնեսա Խամոյանը տեղեկացրել է, որ առաջիկայում Ռոբերտ Քոչարյանի մամուլի ասուլիս կտա։

«Ամենակարևոր արձանագրումն այն էր, որ Ռոբերտ Քոչարյանն ընդգծեց, որ վերջին շրջանում հանրային կյանքից գուցե առաջին հայացքից իր բացակայությամբ պայմանավորված, կարող էր ժողովրդի մոտ տպավորություն ստեղծվել, թե հետ է քաշվել, գնացել է, ասաց, որ որևէ տեղ չի գնացել ու չի պատրաստվում գնալ: Նա վստահեցրեց, որ առաջիկայում շատ հստակ գնահատելով իրավիճակը՝ կոնկրետ քայլեր են ներկայացվելու»,-ասել է Խամոյանը:

Այս առնչությամբ, ՀՀ գերագույն խորհրդի նախկին պատգամավոր Ազատ Արշակյանն «Առաջին լրատվական»-ի հետ զրույցում նշեց, որ Ռոբերտ Քոչարյանը երբեք պասիվ չի եղել. «Դեռևս Լենին-Աթաթուրք համագործակցության ժամանակ էլ ակտիվ է եղել, ռոբերտքոչարյաններն են կնքել այդ պայմանագիրը, հետո Արցախի պատերազմի ժամանակ եղել է Արդբեջանի գեներալ Ալիևի կուսակցական վստահորդը, որը վստահելի մարդ էր դարձել Ադրբեջանի նոմենկլատուրայի համար: Քոչարյանների ձեռքով ղարաբաղյան շարժումը ազատագրական շարժում լինելով վերջում դարձավ ճորտատիրական շարժում, այսինքն՝ գույք պարտքի դիմաց և այլն։ Միշտ էլ Ռոբերտ Քոչարյանն ակտիվ գործել է, նա ակտիվ գործել է նաև ծնվելուց առաջ: Հիմա ուղղակի պետք է անհանգիստ լինենք, որ մեր կողքին կա ինոագենտ, և այստեղ ունի շատ կողմնակիցներ»,-ասաց Ազատ Արշակյանը:

Նա հիշեցրեց, որ օրերս ԱՄՆ խոսնակն ասաց որ ինքնիշխանությունը և ժողովրդավարությունը պայքարում են և այդ պայքարի մեջ հայ ժողովուրդը ակտիվ դեր ունի. «Մեր օգտին կանգնած է ԱՄՆ-ն, հակառակ կողմում Ալիևը և իր դաշնակիցները»:

Հարցին, թե արդյոք Քոչարյանը հանրային աջակցություն կունենա՞ այս իրավիճակում, Ազատ Արշակյանը պատասխանեց. «Ինոագենտների աջակցություն կունենա, ինչպես Լենինն ու Աթաթուրքը ունեին ինոագենտների աջակցությունը: Կան մարդիկ, որոնք ինքնիշխանությանը դեմ են, դրանք նրա համախոհներն են։ Եվ նրանք քիչ չեն, նրանք փոքրամասնություն են, բայց ակտիվ փոքրամասնություն և որպես «ինոոգենտ» ունեն ուժեղ աջակցություն չարագործների ինտերնացիոնալից՝ Մոսկվայից, Բաքվից, ասկյարներից: Պատերազմը խարխլում է դեմոկրատական ինքնիշխան Հայաստանը և ինոագենտները ունեն աջակցություն: Այս պատերազմի շահառուն ինոագենտներն են, որոնք օգտվում են իրենց հնարավորությունից։ Պատերազմը որ չլիներ, նրանք հիմա բանտում կլինեին և իրենց հարազատները սոցիալապես անապահովների շարքում էին լինելու, իսկ հիմա նրանք շարժում են կազմակերպում»:

 

Ազատ Արշակյանի խոսքով, նրանց վարքը մտահոգիչ է, և մեր երկիրը պետք է հատուկ նրանց դեմ պայքարի. «Պետք է պայքարի հոգեբանական և գաղափարական ճակատում, հակահայկական քարոզչությունը Հայաստանում ակտիվորեն գործում է, քանի որ պատկանում է ինոագենտներին կամ քաղաքական և հոգեբանական դիվերսանտներին: Դրանք հայկական պետության դեմ գործող ՅԱՇՄԱ դիվերսանտների խումբ են, որոնք գործում են Հայաստանում»,-ընդգծեց նա:

Աղբյուր՝ slim.am