ԻՄ ՀԱՄԱՅՆՔԻ ԿՅԱՆՔՆ ԵՄ ՍԻՐՈՒՄ

(ՊԱՐՈԴԻԱ)

Ես իմ անուշ համայնքի միութենական կյանքն եմ սիրում,

Մեր միության աղջիկների ու տղերքի տաղն եմ սիրում,

Խաղի կանչող մեր Ֆուտբոլի կանաչապատ դաշտը սիրուն

Ու միության վերնահարկի ընթրիք-երեկոներն եմ սիրում:

Սիրում եմ մեր դպրոցը մեծ, գետը պղտոր, փողոցը նեղ,

Վարդավառի ու զատկվա հետաքրքիր տոնը շքեղ,

Հեռվից լսվող կիրակնօրյա եկեղեցու զանգերը մեր

Ու հնամյա մեր համայնքի սովորություններն եմ սիրում:

Ես իմ անուշ համայնքի եկեղեցու բակն եմ սիրում,

Ջահելների շաբաթօրյա փողոց չափելներն եմ սիրում,

Սիրում եմ ես մեր համայնքի միությունները զանազան,

Մեր զատկվա ու նոր տարվա շլուղ բազարներն եմ սիրում:

Սիրում եմ մեր մեյդան նստող պառավներին ու ծերերին,

Զրույցները նրանց անվերջ ու բամբասանքներն եմ սիրում:

Էս տարիքում նստում են ու Հայաստանի սերիալ նայում,

Որից հետո աշխույժ ու թունդ նրանց քննարկումներն եմ սիրում:

Ուր էլ լինեմ՝ չեմ մոռանա ես համբարձման տոները մեր,

Չեմ մոռանա ջանգյուլումի սիրահնչուն երգերը մեր,

Ինչքան էլ, որ հեռվից կանչեն ամերիկյան բարքերը մեզ,

Էլի մենք մեն ու միայն մեր համայնքի կյանքն ենք սիրում:

                                    Թեհրանի հայ Համայնքի մի խումբ պատանիներ   

Հեղինակ՝ Սուսաննա Համբարչյան