ՀԱՅԱԶԴ կայք
ՀԱՅԱԶԴ կայք
Իրանի զգայուն արձագանքը Մինսկի խմբի համանախագահության հեռանկարին

Իրավիճակի հանդեպ շատ ավելի զգայուն է Իրանը և հատկանշական է հենց այն, որ Մինսկի խմբի թեմատիկայի աշխուժացման համատեքստում «3+3»-ի մասին բարձրաձայնում է հենց Իրանի դեսպանը՝ Ադրբեջանում:

Ադրբեջանում Իրանի դեսպան Սեյիդ Մուսավին հայտարարել է, թե «3+3» ձևաչափի հաջորդ հանդիպումը հնարավոր է մինչև տարավերջ տեղի ունենա Իրանում: Բաքվում իրանցի դիվանագետի այդ հայտարարությունը հատկանշական է հնչում Մինսկի խմբի համանախագահության շուրջ ԱՄՆ-Ադրբեջան «բանավեճի» ֆոնին: Գործնականում «վեճը» շատ ավելի լայն է և Իրանի դեսպանի հայտարարությունը կամա, թե ակամա հաստատում է դա: Խնդիրը լոկ Ադրբեջանն ու նրա հարցերը չեն: Խնդիրը Կովկասի ռեգիոնալ գործընթացների և զարգացումների կառավարումն է, ընդ որում շատ ավելի հեռուն գնացող ճյուղավորումներով՝ թե կենտրոնասիական, թե մերձավորարևելյան ուղղություններով:

 

Հատկանշական է, որ ԱՄՆ Կովկասի հարցերի գլխավոր բանակցող է նշանակել գործչի, դիվանագետի, ով պետքարտուղարությունում նախարարի օգնականի մակարդակում զբաղվել է հենց Եվրոպայի ու Եվրասիայի հարցերով, հետևաբար անձնապես քաջատեղյակ է և պատկերացնում է դրանց մեխանիկան, ընդգրկումն ու տարբեր շերտերը: «3+3» ձևաչափը գործնականում Մինսկի խմբի համանախագահության «կոնտրֆորմատն» է, որը վերագրվում է Ռուսաստանին ու Թուրքիային, թեև դրա շուրջ քննարկումների առաջին հրապարակային նախաձեռնողը Թեհրանն էր՝ դեռևս 44-օրյա պատերազմի օրերին: Իրանի նախագահի հատուկ բանագնաց, այդ ժամանակ երկրի փոխարտգործնախարար Արագչին այցելեց Բաքու, Մոսկվա, Անկարա, Երևան և Թբիլիսի, որպեսզի քննարկի ռեգիոնալ վեց երկրների մասնակցությամբ ձևաչափի հարցը, որի շրջանակում կդիտարկվեն ռեգիոնալ խնդիրները, կքննարկվեն և կմշակվեն դրանց լուծումները: Պատերազմի դադարից կարճ ժամանակ անց արդեն շրջանառվեց «3+3» ձևաչափի թեման, տեղի ունեցավ առաջին հանդիպումը Մոսկվայում՝ Վրաստանի դրոշով, սակայն առանց Վրաստանի մասնակցության: Անցել են ամիսներ, սակայն երկրորդ հանդիպում դեռևս չկա, ինչը խոսում է այն մասին, որ թեման բավականին բարդ է հենց դրա մասնակիցների շրջանակում: Իսկ պատճառներից մեկը թերևս այն է, որ տարբեր է Արևմուտքի հանդեպ պատկերացումների, մարտավարական և ռազմավարական հաշվարկների շրջանակն ու օրակարգը: Իրանը պատկերացնում է մի բան, Ռուսաստանը՝ այլ, Թուրքիան ընդհանրապես արևմտյան բլոկի անդամ է, որքան էլ ձգտում է խաղալ ինքնուրույն և ցույց տալ անկախ քաղաքական կարողություն: Ի վերջո, Անկարան հիանալի պատկերացնում է, որ գոնե առայժմ և թերևս տեսանելի ապագայում ինքն առանց Արևմուտքի, առանց ՆԱՏՕ անդամության, էապես կորցնելու է թե տնտեսական, թե քաղաքական կշռի առումով, այդ թվում առաջին հերթին Ռուսաստանի և Իրանի համեմատ, և ոչ միայն: Ռուսաստանն իր հերթին մի կողմից ձգտում է ամրապնդել իր գերակա դիրքը Կովկասում, դիտարկում այդտեղ աշխատանքը Թուրքիայի և Իրանի հետ՝ Արևմուտքին հակազդելու տեսանկյունից, մյուս կողմից իհարկե Մինսկի խմբի մանդատն ու համանախագահի կարգավիճակը դիտարկում թե Թուրքիայի, թե Իրանի հանդեպ իր առավելությունը, որից հրաժարվելու անհրաժեշտություն և մոտիվ Մոսկվան թերևս չունի:

 

Իրավիճակի հանդեպ շատ ավելի զգայուն է Իրանը և հատկանշական է հենց այն, որ Մինսկի խմբի թեմատիկայի աշխուժացման համատեքստում «3+3»-ի մասին բարձրաձայնում է հենց Իրանի դեսպանը՝ Ադրբեջանում: Արևմուտքի, մասնավորապես ԱՄՆ հետ «միջուկային» գործարքի շուրջ հարաբերությունը վերականգնելու մասին բարդ քննարկումներ իրականացնող Իրանը փորձում է թերևս շոշափել Ռուսաստանի և Թուրքիայի տրամադրվածությունը, ինչի վերաբերյալ կասկածների առկայությունը Իրանը արտահայտեց դեռևս հուլիսի 19-ին՝ Հոգևոր առաջնորդի բարձր մակարդակով: Թվում է, որ այստեղ կա ընդհանուր հետաքրքրություն Թուրքիայի հանդեպ, հաշվի առնելով այն, որ Թուրքիան ևս համանախագահության անդամ չէ: Սակայն, կա երկու հանգամանք: Նախ, Թուրքիան համանախագահության անդամ չէ, սակայն Մինսկի խմբի 12 անդամներից մեկն է: Եվ բացի այդ, 44-օրյա պատերազմով և դրա արդյունքով Թուրքիան այնպիսի թելերով կապեց Ադրբեջանը, որ բոլոր դեպքերում Թուրքիայի գործոնը դարձավ անշրջանցելի: Առավել ևս, որ փաստացի այն չէր շրջանցվում նաև նախկինում: Միևնույն ժամանակ, իրադրության տրամաբանությունն էապես կարող է փոխվել Թուրքիայի և Ռուսաստանի համար, եթե Թեհրանը գնա ԱՄՆ հետ համաձայնության ճանապարհով: Սակայն, ակնառու է, որ այդ ճանապարհը եթե անգամ հնարավոր է, այդուհանդերձ՝ բավականին բարդ:

Աղբյուր՝ 1in.am


ՀԱՅԱԶԴ կայք Նմանատիպ Լուրեր
ևս,14,նահանգ,հետևել,է,կոլորադոյի,օրինակին,և,արգելել,թրամփին,մասնակցելու,ամն,նախագահի,ընտրություններին , ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
աշխատանքները,նախ,կսկսվեն,հայաստանի,ազատ,առևտրի,համաձայնագրի,ստորագրումը՝,օրեր,իրան-եատմ , «Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
եթե,ռումբերը,չոչնչացնեն,գազայի,հատվածի,բնակչությանը,սովն,ու,հիվանդությունները,կանեն․,«բժիշկներ,առանց,սահմանների»,կազմակերպություն , Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ամն,ամն-պատժամիջոցներ,ռուսական-ընկերությունների-դեմ-պատժամիջոցներ,bellatrix-energy-limited,covart-energy-limited,sun-ship-management-d,voliton-dmcc , ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ամն-թուրքիա,հարաբերությունները,դժգոհություն,առաջացրել,կողմում,հունական , ԱՄՆ-Թուրքիա հարաբերությունները դժգոհություն են առաջացրել հունական կողմում
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
ֆրանսիա,ֆրանսիայի-ազգային-ժողով,սահմանադրական-խորհուրդ,էմանուել-մակրոն,միգրացիայի-մասին-աղմկահարույց-օրենք,ներգաղթի-կանոնները-խստացնելու-մասին-օրինագիծ,ներգաղթի-մասին-օրենսդրության-բարեփոխում , Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։

<< Հայազդ>> կայքում արտահայտված որոշ կարծիքները պարտադիր չէ, որ համընկնեն կայքի խմբագրության տեսակետի հետ: