ՀԱՅԱԶԴ կայք
ՀԱՅԱԶԴ կայք
Իշխան Սաղաթելյանի «իշխանատենչ մանիպուլյացիաները»

Երկար ընդմիջումից հետո երկուշաբթի երեք հեռուստաընկերությունների եթերում հարցազրույց տվեց Սերժ Սարգսյանի թեթև ձեռքով ընդդիմության առաջնորդ հռչակված Իշխան Սաղաթելյանը

Վերջինս հավաքականորեն ի ցույց դրեց իրողությունը, որ ընդդիմությունը գարնանը տեղի ունեցած պրոցեսներից այդպես էլ դասեր չի քաղել։ Սաղաթելյանը նշում է, որ դասեր քաղել են, խոսում է «շարժման» ձեռքբերումների և բացթողումների մասին, բայց բովանդակությամբ՝ հարցազրույցը դատարկ այդ ձևին հենց տուրք տալու դրսևորում էր։

Որպես բացթողում՝ Սաղաթելյանը մատնանշել է այն, որ չեն կարողացել ժողովրդին համոզել, որ «շարժումը» անձերի իշխանության համար չէ, այլ՝ Արցախի և Հայաստանի փրկության։ Այո, չեն կարողացել համոզել, որովհետև հնարավոր չէ համոզել դիմացինին նրանում, ինչին ինքդ չես հավատում։ Չեն կարողացել համոզել, որովհետև սեփական գործողություններով հակառակն են ապացուցել, երբ ընդդիմադիր դաշտում ի հայտ եկող ցանկացած ուժի պիտակել են որպես իշխանության գործակալ, եթե այդ ուժերը չեն կիսել իրենց տեսակետները և օրակարգը։ Չեն կարողացել համոզել, որովհետև երբ իշխանության էին, ճիշտ հակառակն էին անում ու ամբարտավան կեցվածք ընդունում՝ «իշխանության ճանապարհն անցնում է Մելիք-Ադամյան փողոցով» նշանաբանով։ Ինչ, ինչ, բայց ժողովուրդը հիմար չէ, հիշողություն ունի։

Հաջորդ ուշագրավ հայտարարությունը վերաբերում է «շարժման» ձեռքբերումներին։ Նա հայտարարել է, որ երկրի հանձնումը նախատեսված էր ավելի շուտ, սակայն իրենց «շարժումը» ժամանակավորապես հետաձգեց այն։ Պարզվում է, որ երկրի հանձնումը կանխելու և Արցախը փրկելու կոչերով շարժումը ընդամենը հետաձգել է այդ գործընթացը։ Հետաձգել է՝ ըստ Սաղաթելյանի։ Այլ հարց է, որ եռակողմ պայմանավորվածությունները կարող են կատարվել օբյեկտիվ ժամանակային փոխատեղումներով, սակայն այդ փոխատեղումները հայաստանյան ընդդիմությունը կարող է վերագրել իրեն՝ դա ներկայացնելով իր ձեռքբերումը։ Ի վերջո, «տարածաշրջանի ամենամարտունակ բանակը ստեղծած» նախկին իշխանությունները, որ խոստանում էին 8000 կմ²-ոց անկախ Արցախ, ուժերն ընդամենը հերիքում է «հանձնելը» հետաձգելո՞ւն։ Բա ո՞ւր մնաց 1990-ականներին «ինքնագլուխ» ադրբեջանական տարածքների նվաճումներն ու Հայաստանի իշխանություններից «թաքուն» հաղթանակներ կերտելու «վոյինությունը»։

Սաղաթելյանը որպես ձեռքբերում մատնանշել է միջազգային արձագանքը իրենց շարժմանը, մասնավորապես այն, որ իրենց նախաձեռնությանն անդրադարձել են՝ երեք անգամ Թուրքիայի արտգործնախարարը, ինչպես նաև՝ Ադրբեջանի նախագահը։ Փաստորեն, Իշխան Սաղաթելյանի և ընդդիմադիր ճամբարի հպարտությունը շոյող հանգամանքը և միջազգային արձագանքի չափանիշը Թուրքիայի և Ադրբեջանի պաշտոնյաների արձագանքի շրջանակներում են։

Խոսելով իրենց հետագա անելիքների և քայլերի մասին՝ Սաղաթելյանը, ըստ էության, մնաց նույն տեղում, քանզի երկար ու ձիգ բառաձգումների արդյունքում պարզ դարձավ, որ որևէ հստակ ծրագրային պլանավորում կրկին չկա։ Ընդդիմությունը վայր չի դնելու մանդատները, խորհրդարան է վերադառնալու իր օրակարգով, իմպիչմենտի գործընթաց կսկսեն, եթե դրա համար բավարար նախադրյալներ լինեն, և այլն, և այլն։ Այդուհանդերձ, անչափ հետաքրքիր է, թե ինչ է թաքնված այդ «բավարար»-ի ներքո։

Դա թողնենք Սաղաթելանի բանասիրական և քաղաքական ընկալումների չափումներին։ Երևի այդ ընկալումների սահմաններում է տեղավորվում շարժման մարտավարության մասին հարցին չպատասխանելը, քանզի ընդդիմության առաջնորդը հայտնեց, որ սեպտեմբերին մեծ թափով մեկնարկելու է ընդդիմության պայքարը, կլինեն մարտավարական փոփոխություններ, սակայն ինչպիսիք, չի մանրամասնել։ Հենց այն նույն ոգով, ինչպես խուսափում է վերջապես հստակորեն հայտարարել, թե ո՞վ է ընդդիմության վարչապետի թեկնածուն։ Իսկ դա ցավոտ հարց է, քանզի մերկացնելու է հիմնական նպատակը։ Նպատակ, որը ոչ թե «հայրենիքի փրկությունն» է, այլ արդեն առասպելական դարձած հայտնի անհայտին իշխանության վերադարձնելը։

Աղբյուր՝ radar.am


ՀԱՅԱԶԴ կայք Նմանատիպ Լուրեր
ռուսաստանի,դիրքորոշման,լույսն,ստվերը.,եվրադիտորդների,երկակի,նշանակությունը,եվրադիտորդներ , Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշման լույսն ու ստվերը. եվրադիտորդների երկակի նշանակությունը
Ռուսաստանի դիրքորոշումն այդ առնչությամբ հայտնի է, այն առաքելության տեղակայումից ի վեր բարձրաձայնվել է մի քանի անգամ: Սակայն արդյո՞ք արժե վստահաբար պնդել, որ այն, ինչ բարձրաձայնվում է, արտացոլում է ամբողջական եւ խորքային մոտեցումը: Թե՞ «ժանրի կանոնի» համաձայն դժգոհելով այդ տեղակայումից, իրական քաղաքականության խորքային ռեժիմում Ռուսաստանը այդքան էլ դեմ չէ, որ Եվրամիությունն այդ կերպ հայտնվի Ադրբեջանին զսպելու հարցում պատասխանատվության տակ, ինչը Մոսկվան կարող է դիտարկել Կովկասում իր հանդեպ երկրորդ ճակատի հրահրման կանխարգելիչ գործոն:
պուտինի,ակնարկը,բլինքենի,զանգը , Պուտինի ակնարկը եւ Բլինքենի զանգը
Պուտինի ակնարկը եւ Բլինքենի զանգը
Հայտնի է դարձել, որ կայացել է պետքարտուղար Բլինքենի եւ Թուրքիայի արտգործնախարար Ֆիդանի հեռախոսազրույցը: Ֆիդանը, ինչպես թուրքական լրատվամիջոցներն են փոխանցում, Բլինքենին առաջարկել է օգտագործել Իսրայելի նկատմամբ ազդեցությունը, հասնել կրակի դադարեցման, որից հետո Իսրայելը պետք է նստի բանակցությունների սեղանի շուրջ «երկու պետություն սկզբունքով հարցը կարգավորելու համար»:
ինչո՞ւ,թուրքիայի,արտգործնախարարը,մեկնել,բաքու , Ինչո՞ւ էր Թուրքիայի արտգործնախարարը մեկնել Բաքու»
Ինչո՞ւ էր Թուրքիայի արտգործնախարարը մեկնել Բաքու»
Ինչպե՞ս է Թուրքիան պատկերացնում հայ-ադրբեջանական, հայ-թուրքական հարաբերությունների կարգավորումը:
արևմուտք,եվրոպա,եմ,եվրոպայի-միություն,եվրոպայի-սահմաններ,կովկասյան-տարածաշրջան,հայաստան,վրաստան,վրաստանին-եմ-թեկնածուի-կարգավիճակ-շնորհելու-որոշու,հայ-վրացական-հարաբերություններ,ժողովրդավարություն,վրաստանաբնակ-միջազգայնագետ6,գեորգի-թումասյան , Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Արևմուտքը հայտարարում է, որ Եվրոպայի սահմաններն ավարտվում են Հայաստանում․ միջազգայնագետ
Եթե մինչև վերջերս ժողովրդավարությունը և Եվրոպան ավարտվում էին Վրաստանում, ապա հիմա, Վրաստանին թեկնածուի կարգավիճակ շնորհելով, Արևմուտքը հայտարարում է, որ Եվրոպան ավարտվում է Հայաստանում։
հնդկաստանը,խառնում,քաշմիրի,կոնֆլիկտի,խաղաքարտերը.,ի՞նչ,պետք,իմանալ,հնդկաստան , Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Հնդկաստանը խառնում է Քաշմիրի կոնֆլիկտի խաղաքարտերը. ի՞նչ է պետք իմանալ
Քաշմիրի հակամարտության հիմնական կետերի համառոտ ակնարկը:
կանադայի,հայտարարությունը,չպետք,է,անարձագանք,թողել.,շահան,գանտահարյան , Կանադայի հայտարարությունը չպետք է անարձագանք թողել. Շահան Գանտահարյան
Կանադայի հայտարարությունը չպետք է անարձագանք թողել. Շահան Գանտահարյան
Կանադան ողջունում է երկու ադրբեջանցի և 32 հայ զինծառայողների ազատ արձակումը և դրական է գնահատում այն աջակցությունը, որ երկրները ցուցաբերել են միմյանց նկատմամբ միջազգային ատյաններում։

<< Հայազդ>> կայքում արտահայտված որոշ կարծիքները պարտադիր չէ, որ համընկնեն կայքի խմբագրության տեսակետի հետ: