Միացյալ Նահանգները, պատասխանելով Գործողությունների համատեղ համապարփակ ծրագրի (ԳՀՀԾ) վերականգնման վերաբերյալ Բրյուսելի առաջարկած համաձայնագրի նախագծի վերաբերյալ Իրանի մեկնաբանություններին, մերժել է Թեհրանի բոլոր լրացուցիչ պահանջները:

ԱՄՆ-ն շարունակում է պնդել, որ Իրանում ուրանի հարստացման մակարդակը չպետք է գերազանցի 4%-ը (2015 թվականի Իրանի միջուկային համաձայնագրի համաձայն՝ ուրանի հարստացման թույլատրելի մակարդակը 3,67% է)։

Ըստ տեղեկությունների ԱՄՆ արձագանքը չի արդարացրել Իրանի սպասելիքները։

Հիշեցնենք ՝ Նեդ Փրայսը լրագրողներին ասել է, որ Միացյալ Նահանգներն ավարտել է ԳՀՀԾ-ի վերականգնման ԵՄ առաջարկներին Իրանի պատասխանի ուսումնասիրումը և Բրյուսելին ուղարկել է իր մտքերն այդ հարցի վերաբերյալ: Իրանի արտգործնախարարության խոսնակ Նասեր Կանանի Չաֆին ասել է, որ Թեհրանը ստացել է ԱՄՆ պատասխանը և սկսել է ուսումնասիրել այն։

slim.am