parstoday.com- ԻՌՆԱ-ի հաղորդման համաձայն,  Սեյեդռեզա Ֆաթեմի Ամինը երեքշաբթի օրը ՌԴ-ում ԻԻՀ դեսպանատանը Ռուսաստանի «Ավտոմոբիլ 2022» ցուցահանդեսին մոսնակցող գործարարների հետ հանդիպման ժամանակ ասել է. «Իրանին աշխարհին ներկայացնելու ուղիներից մեկը «հպարտ ապրանքներ» արտադրելն է:  Արտահանումն ինքն իրենով դրական է, բայց որոշ  ապրանքներ միայն փող են բերում երկիր, իսկ մյուսները՝ հպարտություն»:

Ֆաթեմի Ամինը հայտարարել է. «Նախարարությունում բոլոր ջանքերն ուղղված են առկա խոչընդոտների վերացմանը, որպեսզի արդյունաբերական ոլորտում տարբեր երկրների հետ համագործակցությունն ընդլայնվի»:

Նախարարն անդրադարձել է նաև Ռուսաստանի և Իրանի միջև օդային և ծովային ոլորտներում  համատեղ գործողություններ իրականացնելու շուրջ պայմանավորվածություններին, հավելելով. «Անցած օրերին ռուս պաշտոնյաների հետ հանդիպմանը պայմանավորվածություններ են ձեռք բերվել ավիացիոն ոլորտի վերաբերյալ»: 

Անդրադառնաով նավաշինության ոլորտում Ռուսաստանի հետ ձեռք բերված պայմանավորվածությանը, Ֆաթեմի Ամինը նշել է. «Ընդհանուր առմամբ, երկու երկրների միջև արդյունաբերության ոլորտում մեծ քայլեր են արվել, որոնց պետք է հետևել՝ ավելի շուտ շոշափելի արդյունքների հասնելու համար»։