Իրանը ողջամիտ պատասխան է տվել միջուկային համաձայնագրի հետ կապված առաջարկին. Բորել
<p style="text-align: left;">ԵՄ արտաքին քաղաքականության պատասխանատու ասել է, որ ԱՄՆ-ի կողմից դրական պատասխան է ակնկալում ԵՄ առաջարկին, որն ուղղված է 2015 թ. Իրանի միջուկային համաձայնագրի փրկմանը:</p>
ԵՄ արտաքին քաղաքականության պատասխանատու Ժոզեպ Բորելը երկուշաբթի ասել է, որ ԱՄՆ-ի կողմից դրական պատասխան է ակնկալում ԵՄ առաջարկին, որն ուղղված է 2015 թ. Իրանի միջուկային համաձայնագրի (Գործողությունների համատեղ համապարփակ ծրագիր) փրկմանը, արդեն այս շաբաթ, հաղորդում է Reuters-ը:
Բորելը նաեւ նշել է, որ Իրանը ողջամիտ պատասխան է տվել առաջարկին, որը հետեւել է 16 ամսվա դանդաղ, անուղղակի ամերիկա-իրանական բանակցություններին, որոնցում ԵՄ-ն համագործակցել է կողմերի միջեւ: Առաջարկի բովանդակությունը չի հրապարակվել։
«Իմ կողմից, որպես բանակցությունների համակարգող, առաջարկ եղավ։ Սա այն հավասարակշռությունն է, որին մենք հասել ենք, ես չեմ կարծում, որ մենք կարող ենք այս կամ այն կողմից բարելավել այն... եւ Իրանից եղավ պատասխան, որը ես ողջամիտ եմ համարում»,- ասել է Բորելը իսպանական Սանտանդեր քաղաքում համալսարանական միջոցառման ժամանակ։
«Այն փոխանցվել է ԱՄՆ-ին, որը դեռ պաշտոնական պատասխան չի տվել... Հուսով եմ, որ պատասխանը վերջ կդնի բանակցություններին»,- հավելել է նա։
ԵՄ պաշտոնյան ավելի վաղ ասել էր, որ այդ առաջարկը դաշինքի «վերջնական առաջարկն» է՝ պայմանագիրը երկարաձգելու համար, որը կասեցվել էր 2018 թ. ԱՄՆ-ի այն ժամանակվա նախագահ Դոնալդ Թրամփի վարչակազմի կողմից:
Աղբյուր՝ news.am
Նմանատիպ Լուրեր
