Հանդիպմանը նախ «ՀՄՀՖ»-ի և «Ս․ ՄԱԲԿ»-ի  և «Բիզնես ֆորում»-ի վարչության նախագահ՝ իրանահայ գործարար և ազգային բարերար ճրտգ․ Հենրիկ Տեր Ղուկասյանը իր և վարչության կազմի կողմից ցավակցություն հայտնեց  ԻԻՀ-ում ՀՀ դեսպանության երկրորդ քարտուղար` Պրն. Գարիկ Գրիգորյանին, աղետալի դեպքի կապակցույամբ և իր խորին վշտակցությունը հայտնեց տեղի ունեցած ահավոր պայթյունի հետևանքով զոհվածների հարազատներին և ընտանիքներին։ Ճրտգ․  Հենրիկ Տեր Ղուկասյանը պատրաստակամություն հայտնեց այդ աղետի հետևանքների վերացման, վերակառուցման ինչպես նաև տուժածներին աջակցելու ուղղությամբ:

Վարչության անդամները նույնպես իրենց ցավակցությունը վշտակցությունը  հայտնեցին անմեղ զոհերի հարազատներին և առ Աստված աղոթեցին զոհվածների  հոգիների խաղաղության ու հանգստության համար, նաև առողջություն և արագ ապաքինում մաղթեցին բոլոր  տուժածների ու վիրավորների համար։

Հանդիպման ընթացքում կողմերը  նաև քննարկեցին Իրան-Հայաստան մշակութային և տնտեսա-առևտրական երկկողմ հարաբերությունների զարգացմանն ուղղված քայլերը, ինչպես  նաև քննարկվեց  համայնքային մի շարք հարցեր և Իրան-Հայաստան բարեկամական հարաբերություններին առնչվող վերջին զարգացումները։

Հանդիպման ավարտին Երևանի «Սուրմալու» առևտրի կենտրոնում պայթյունի հետևանքով զոհվածների հիշատակին հարգանքի տուրք մատուցելու նպատակով Թեհրանում ՀՀ դեսպանության  սգո մատյանում գրառում կատարեց «ՀՄՀՖ»-ի և «Ս․ ՄԱԲԿ»-ի  և «Բիզնես ֆորում»-ի վարչության նախագահ՝ իրանահայ գործարար և ազգային բարերար ճրտգ․ Հենրիկ Տեր Ղուկասյանը։