Նշելով, որ հարևանների հետ հարաբերությունների ընդլայնման հարցում որևէ սահմանափակուություն գոյություն չունի, Իրանի ԱԳ քաղաքական հարցերով փոխնախարարը հայտարարել է, որ Բայդենի տարածաշրջան անհաջող այցից մի քանի օր անց Աստանայի գագաթնաժողովի անցկացումը վկայում է Իրանի դիվանագիտության արդյունավետության և Իսլամական Հանրապետության տարածաշրջանային փոխգործակցության դիսկուրսի գերազանցության մասին:

Ալի Բաղերին իսլամական խորհրդարանի Ազգային անվտանգության և արտաքին քաղաքականության հանձնաժողովի նիստում ներկայացրել է ԻԻՀ տարածաշրջանային և միջազգային քաղաքականությունը և պատասխանել ներկաների հարցերին։

 Բաղերին նշել է, որ Իրանի դիվանագիտության յուրահատկություններից մեկը առկա հնարավորությունից օգտվելն է:

Նա նշել է. «Իրանի վարած հարևանության քաղաքականության մեջ հարևանների հետ հարաբերությունների ընդլայնման համար որևէ սահմանափակում գոյություն չունի: Պետք է օգտագործել բոլոր փաստացի և պոտենցիալ կարողությունները՝ հարևանների հետ առավելագույն փոխգործակցությամբ տարածաշրջանի երկրների միջև կայուն և երկարաժամկետ տնտեսական կապերի  անհրաժեշտ հարթակ ապահովելու համար»։

Բաղերին հավելել է. «ՇՀԿ-ին և BRICS խմբին Իրանի անդամակցությունն էապես ուժեղացնում է բազմակողմանիության ռազմավարական հզորությունը և աշխարհառազմավարական դիրքը»:

Իրանի ԱԳՆ քաղաքական հարցերով փոխնախարարը հայտարարել է. «Երկկողմ հարաբերություններում երկարաժամկետ պլանավորման օրինակը, որը վերջերս ներառում էր նաև Չինաստանը, Ռուսաստանը, Վենեսուելան և Թուրքիան, նպաստել է տնտեսական հարաբերությունների կայունացմանը և արդյունավետորեն կանխել միջազգային քաղաքական և տնտեսական ազդակների ազդեցությունը երկրի տնտեսական իրավիճակի վրա և իմաստավորել տնտեսության և առևտրի ոլորտում պատժամիջոցների չեզոքացումը»։

parstoday.com