Իրանահայ դաշնակահար Նարեկ Աբրահամյանի դաշնամուրային ելույթը՝ Թեհրանի Ռուդաքի համերգասրահում
<<Հայ Մշակութային Հասարակական ֆորում>>ի, և <<Սուրբ Մարիամ Աստվածածին Բարեգործական կենտրոն>>-ի համագործակցությամբ և հովանավորությամբ <<Շին>> երաժշտական դպրոցի, <<Ռուդաքի>> հիմնադրամի և <<Թիվալ>>-ի համատեղ աջակցությամբ, թվականիս հուլիսի 22-ին, Թեհրանի «Ռուդաքի» համերգասրահում տեղի ունեցավ իրանահայ երիտասարդ երաժիշտ և դաշնակահար Նարեկ Աբրահամյանի դաշնամուրային երաժշտության ելույթը:
Իրանահայ տաղանդավոր երիտասարդ երաժիշտ և դաշնամուրի ուսուցիչ Նարեկ Աբրահամյանը ծնվել է 1992 թվականին Թեհրանում և 2001 թվականից ի վեր զբաղվել է երաժշտություն սովորելով։ Նա Հայաստան է տեղափոխվել 2003-ին և երկու տարի սովորել է երաժշտություն և նվագել Երևանի Սայաթ Նովայի անվան երաժշտական դպրոցում՝ պրոֆեսոր Ռուզանա Մեհրաբյանի ղեկավարությամբ և իր առաջին ելույթը կատարել է 14 տարեկանում Հայաստանի մայրաքաղաք Երևանում։
Նարեկ Աբրահամյանը բակալավրի կոչում է ստացել Հայաստանի Կոմիտասի անվան Երևանի պետական կոնսերվատորիայից՝ բարձր դիպլոմով և Իրանի Շահիդ Ռաջայի համալսարանի մեքենաշինության բակալավրի աստիճանով:
Իրան վերադառնալուց հետո նա շարունակել է դաշնամուր նվագել այնպիսի երաժիշտ վարպետների հետ, ինչպիսիք են Կարեն Մեհրաբյանը և Ալվին Ավանեսյանը։
Երաժշտական ուսումն ավարտելուց և Իրան վերադառնալուց հետո 2019 թվականին նա մասնակցելով Իրանի երիտասարդ երաժշտության փառատոնին գրավել է առաջին տեղը։ Ի թիվս այլ գեղարվեստական գործունեության, դաշնամուրային ռեցիտալով հանդես է եկել Կոմիտասի անվան կոնսերվատորիայում՝ Տարբոյի հետ ելույթ ունենալով Երևանի Արամ Խաչատրյանի անվան համերգասրահում, համագործակցել է իրանցի կոմպոզիտորների հետ՝ նրանց ստեղծագործությունների ստուդիայի ձայնագրման համար, համագործակցել է Կոմիտասի 150-ամյակի համերգային շրջագայության, որպես ակոմյանիստ, նույպես համագործակցել է բազմաթիվ երաժիշտների, երգիչների և երգչախմբերի հետ՝ որպես նվագակցող Իրանում և Հայաստանում, ինչպես նաև 4 տարի Թեհրանի Սուրբ Սարգիս եկեղեցու երգչախմբի հետ աշխատել է որպես երաժիշտ։
Թեհրանի Ռուդաքի համերգասրահում Դասական երաժշտության վարպետների և աշխարհի հանճարների ստեղծագործություններից դաշնամուրային ստեղծագործությունների կատարումը արժանացավ դահլիճում գտնվող հանդիսատեսների ջերմ ու խանդավառ ընդունելությանը և ծափահարություններին։
Ելույթի ավարտին <<ՀՄՀՖ>>-ի և <<ՍՄԱԲ>> կենտրոնի վարչության համանախագահ և ելույթը հովանավորող իրանահայ բարերարներ՝ Հենրիկ և Ադրինե Տեր Ղուկասյանները և վարչության մյուս անդամներն ու հյուրերը զույգ կենտրոնների կողմից դաշնակահար Նարեկ Աբրահամյանին գնահատեցին ծաղկեկողովով ու նրան հաջողություն մաղթեցին իր երաժշտական ու արվեստի գործունեության ասպարեզում։
Նարեկ Աբրահամյանը նույնպես շնորհակալությոն հայտնեց ազգային բարերարներին ստեղծած հնարավորության համար և իր երախտագիտությունը հայտնեց բոլոր կազմակերպիչներին։
Իրանահայ գործարար և ազգային բարերար Ճրտպ․ Հենրիկ Տեր Ղուկասյանը առանձնահատուկ շեշտեց, որ <<ՀՄՀՖ>>-ը և <<ՍՄԱԲ>> կենրտրոնը իր բոլոր աշխատակազմով միշտ հնարավորություն է ընձեռում երիտասարդ տաղանդներին մասնակցելու նման ելույթներին ու համերգներին, աշխատելու պրոֆեսիոնալ խմբերի հետ, անգնահատելի փորձ ձեռք բերելու նպատակով։
Նմանատիպ Լուրեր
