Թուրքիան ստացավ ուկրաինական «կարկանդակի» առաջին կտորը
Կողմերը պայմանագրերը ստորագրել են առանձին. նախ Թուրքիայի հետ համաձայնագիրը ստորագրել է ՌԴ պաշտպանության նախարար Սերգեյ Շոյգուն, իսկ հետո նույն փաստաթուղթը ստորագրել է Ուկրաինայի ենթակառուցվածքների նախարար Ալեքսանդր Կուբրակովը։
Արարողությանը ներկա են եղել ՄԱԿ-ի գլխավոր քարտուղար Անտոնիո Գուտերեշը և Թուրքիայի նախագահ Ռեջեփ Թայիփ Էրդողանը։
Ռուսաստանն ու Ուկրաինան ուղղակիորեն համաձայնագիր չեն կնքել, սակայն երկու երկրներն էլ համապատասխան հայելային համաձայնագրեր են ստորագրել ՄԱԿ-ի և Թուրքիայի հետ, հայտնում է BBC-ն։
Համաձայնագիրը ենթադրում է ուկրաինական նավահանգիստների ապաշրջափակում, իսկ երթեւեկը վերահսկելու են թուրքական նավերը՝ ռուսական կողմին երաշխիքներով, որ այդ նավերով զենք չի տեղափոխվելու։ Ռուսաստանը դրա դիմաց ստանում է պատժամիջոցների թուլացում ցորենի եւ այլ պարենի արտահանման հարցում եւ մի շարք այլ ոլորտներում։ Դրան հասնելու համար նախ պետք էր համաշխարհային պարենային ուռճացված ճգնաժամի բլեֆը՝ ՄԱԿ-ի կոռումպացված չինովնիկների ձայնակցությամբ։
Այսպիսով, Թուրքիան ՄԱԿ-ի ցուցանակի տակ իր շուրջ հանգուցում է համաշխարհային պարենային խնդրի կարգավորումն իր ռազմածովային վերահսկողությամբ։ Ռուսաստանի օգնությամբ Հարավային Կովկասում հաստատվելուց հետո Թուրքիան Մոսկվայի աջակցությամբ, որը համաձայն էր գործարքին միայն թուրքական միջնորդության պայմանով, «մտնում է» Ուկրաինա։
Աղբյուր՝ lragir.am