Իրանի ներուժը սահմանափակ է, բայց ՀՀ-ն ունի շահերի համադրելիության հնարավորություն(Տեսանյութ)
Իրանի հոգևոր առաջնորդ Ալի Խամենեին Թեհրանում Թուրքիայի նախագահ Ռեջեփ Թայիփ Էրդողանի հետ հանդիպմանը հայտարարել է, որ եթե Հայաստանի հետ Իրանի սահմանն արգելափակելու քաղաքականություն լինի, Իրանը կընդդիմանա: Թեմայի շուրջ «Առաջին լրատվական»-ը զրուցել է Տարածաշրջանային հարցերով փորձագետ Արմեն Պետրոսյանի հետ:
Փորձագետը Իրանից եկող հայտարարությունները նորություն չի համարում․ «Սա վերաարձանագրում է: Պայթյունավտանգ աշխարհաքաղաքական իրավիճակ է, կրկին սահմանների խնդիրն է արծարծվում: Մեր սահմանների անխախտելիության հարցը Իրանի համար կարմիր գիծ է: Եթե վերանում է Հայաստան-Իրան սահմանը, լրջագույն ճգնաժամային իրավիճակ է ստեղծվում Իրանի համար»:
Իրանի համար «3+2» ձևաչափը փորձագետը հնարավորություն և արտաքին քաղաքական ուղեգիծ է Կովկասում․ «Թեհրանում կայանալիք հանդիպմանը բացի Սիրիայից քննարկվելու են նաև տարածաշրջանային հարցեր, օրակարգ է գալու «3+3»-ը: Իրանը մեզ համար բարեկամ երկիր է, որոշ հարցերում ունենք շահերի համադրելիության հնարավորություն: Հայաստանը պետք է դիրքավորվի հենց շահերի համադրելիության սկզբունքի հիման վրա»: