«Սիրիայի հյուսիսում ցանկացած ռազմական հարձակումը անշուշտ կվնասի Թուրքիային, Սիրիային և ողջ տարածաշրջանին և օգուտ կբերի ահաբեկիչներին»,- ասել է նա։

Իսլամական հեղափոխության գերագույն առաջնորդ Այաթոլլահ Խամենեին այսօր  Թուրքիայի նախագահ Ռեջեփ Թայիփ Էրդողանի և նրան ուղեկցող պատվիրակության հետ հանդիպման ժամանակ, կարևորելով  երկու երկրների միջև համագործակցության, հատկապես առևտրային համագործակցության ծավալների ավելացումն ասել է.«Սիոնիստական ռեժիմը իսլամական երկրների միջև առաջացած տարաձայնության գլխավոր պատճառներից է: ԱՄՆ-ն և օկուպանտ ռեժիմը չեն կարող կասեցնել պաղեստինցիների խորքային շարժումը»։

Նշելով, որ  իսլամական ումմայի վեհությունն ու արժանապատվությունը պայմանավորված են ճաշակի տարբերությունների հաղթահարմամբ և պառակտիչ քաղաքականության դիմաց զգոնությամբ, մեծարգո առաջնորդն ասել է.«Տարածաշրջանում տարաձայնությունների ու թշնամանքի պատճառներից մեկը  Սիոնիստական օկուպանտ ռեժիմն է, որին աջակցում է  ԱՄՆ-ը»:

Պաղեստինը համարելով Իսլամական աշխարհի գերխնդիրը, Իսլամական հեղափոխության գերագույն առաջնորդն ընդգծել է.-«Չնայած Սիոնիստական ​​ռեժիմի նկատմամբ որոշ կառավարությունների բարեհաճությանը, ժողովուրդները խորապես դեմ են այդ օկուպանտ  ռեժիմին»։

Ընդգծելով, որ չի կարելի հույս դնել ԱՄՆ-ի և Սիոնիստական ​​ռեժիմի վրա, գերապատիվ առաջնորդն ասել է. «Այսօր ոչ Սիոնիստական ​​ռեժիմը, ոչ ԱՄՆ-ն, ոչ էլ մյուսները չեն կարող կասեցնել պաղեստինցիների խորքային շարժումը, և վերջում ամեն ինչ Պաղեստինի  ժողովրդի օգտին կլինի»:

Թուրքիայի նախագահն Իրանի համագործակցությունն է խնդրել ահաբեկչական խմբավորումների դեմ պայքարում: Մեծարգո առաջնորդն ի պատասխան  Թուրքիայի նախագահի խնդրանքի, ասել է.«Իրանի Իսլամական Հանրապետությունը, անշուշտ, կհամագործակցի Թուրքիայի հետ ահաբեկչության դեմ պայքարում»։

Ընդգծելով, որ Իրանը Թուրքիայի եւ նրա սահմանների անվտանգությունն իր սեփական անվտանգությունն է համարում, այաթոլլա Խամենեին Էրդողանին ասել է. «Թուրքիան պետք է Սիրիայի անվտանգությունն իր անվտանգությունը համարի»: 

Նշելով, որ Իրանի և Թուրքիայի միջև տնտեսական փոխանակումների ու համագործակցության ծավալն ու որակը զիջում են առկա հնարավորություններին, այաթոլլահ Խամենեին ընդգծել է, որ այդ հարցը պետք է լուծվի երկու երկրների նախագահների բանակցությունների շրջանակում։

Անհրաժեշտություն համարելով տարածաշրջանային բոլոր հարցերում Իրանի և Թուրքիայի համագործակցության ընդլայնումը, Իսլամական հեղափոխության գերագույն առաջնորդը հավելել է.«Իրանի Իսլամական Հանրապետությունը միշտ պաշտպանել է Թուրքիայի կառավարությանը ներքին հարցերում և  օտարերկրյա  միջամտություններից»:

parstoday.com