Սիրիայի բա նակը մտել է տաս տարի առաջ կորցրած շրջանները ազատագրելով 4 քաղաքներ
Տարածաշրջանից ստացված վերջին տեղեկությունների համաձայն՝ Սիրիայի կանոնավոր բա-նակի լրացուցիչ ուժերը մտել են Մանբիջ, Թել Ռիֆաթ և Այն ալ Արաբ քաղաքներ, որոնք թուրքական բանակը նախատեսում է ամբողջությամբ մաքրել PKK-ից։ Այս քաղաքների վրա արդեն ծածանվում են Սիրիայի պետական դրոշները՝ հաստատելով, որ տասը տարվա արյ ունալի պատերազմից հետո Դամասկոսը, առանց կրակոց արձակելու, վերականգնեց իր ինքնիշխանությունը այն բնակավայրերի նկատմամբ, որոնք գտնվում էին ընդդիմության խիստ վերահսկողության տակ։
Ըստ թուրքական աղբյուրների՝ սիրիական դրոշները բարձրացված են նաև Այն ալ Արաբ քաղաքի և PKK/YPG ուժերի դիրքերի վրա, որոնք տեղակայված են Թուրքիայի Շանլըուրֆա նահանգի Սուրու շրջանի դիմաց։ Սիրիական բա-նակի զի-նվորներն ու ծանր տեխնիկան դիրքեր են գրավել PKK/YPG-ի մարտիկների կողքին Այն ալ-Արաբի շրջակայքում գտնվող բարձունքներում, որտեղ կառուցվել են գլանաձև բետոնե դիտաշտարակներ, ապաստարաններ և ստորգետնյա թունելներ՝ հնարավոր օդային հարվածներից պաշտպանվելու համար։
Հաղորդվում է նաեւ, որ Թուրքիայի զինված ուժերը մարտական պատրաստության վիճակում են գտնվում շփման գծի երկայնքով։
Լոնդոնում գործող Մարդու իրավունքների սիրիական մոնիտորինգի խումբը հայտնում է, որ Բաշար ալ-Ասադի ուժերը լրացուցիչ ստորաբաժանումներ են կենտրոնացնում Թել Թամեր շրջանում։
Այսպիսով, Սիրիայի հյուսիսում 30 կիլոմետրանոց անվ-տանգության գոտու ստեղծման նոր ռազ-մական գործողության մեկնարկի մասին Անկարայի հայտարարությունը ստեղծեց սուր կոնֆլիկտային իրավիճակ։ Այս պահին Բաշար Ասադի ստո-րաբաժանումները տեղակայված են այն թաղամասերում, որոնք գտնվում են թուրքական բանակի, ինչպես նաև Անկարայի կողմից աջակցվող «Սիրիայի ազգային բանակի» թիրախում։
Սիրիայի հյուսիսում իրադարձությունների հետագա ընթացքը, հավանաբար, կախված կլինի Ռուսաստանի, Թուրքիայի և Իրանի նախագահների վաղը Թեհրանում կայանալիք բանակցությունների արդյունքներից։
Ինչպես արդեն հաղորդվել է, այս բանակցությունների օրակարգի գլխավոր թեման Սիրիան է։
yerevan-times.com