Ֆրանսիան կոչ է արել իրանական և վենեսուելական նավթը վերադարձնել համաշխարհային շուկաներ
Ուկրաինական պատերազմը սկսվելու և Ռուսաստանի դեմ արևմտյան լայնածավալ պատժամիջոցների սահմանման հետ մեկտեղ էներգակիրների գինը համաշխարհային շուկայում հասել է մոտ 120 դոլարի, ինչը նախորդ տարվա գնի համեմատ կրկնապատկվել է։ Դա հանգեցրել է նավթամթերքի, այդ թվում՝ բենզինի և հումքի գների բարձրացմանն աշխարհում, հատկապես եվրոպական երկրներում։ Այս իրավիճակը մեծացրել է գնաճը այս երկրներից շատերում՝ մտավախություն առաջացնելով ձմռանը վառելիքի մատակարարման վերաբերյալ:
Փաստորեն, քաղաքական և տնտեսական ոլորտներում տարբեր պատժամիջոցների քաղաքականության իրականացումը վաղուց օգտագործվել է որպես գործիք՝ ստիպելու երկրներին հետևել Արևմուտքի քաղաքականությանը։ Ինչպես վերջին տարիներին, ԱՄՆ-ը նավթի արտահանման դեմ լայնածավալ պատժամիջոցներ է սահմանել Իրանի և Վենեսուելայի դեմ։
ԱՄՆ կառավարությունը փորձել է մեկուսացնել Իրանին և Վենեսուելային, սակայն երկու երկրները կարողացել են մեղմել պատժամիջոցների հետևանքները տնտեսական քաղաքականության, այդ թվում՝ դիմադրողական տնտեսության միջոցով: Համաշխարհային բանկի, Արժույթի միջազգային հիմնադրամի և Միջազգային ֆինանսների ինստիտուտի հեղինակավոր կառույցների զեկույցների համաձայն, ներկայումս Իրանի տնտեսական աճը գնահատվում է դրական և կանխատեսվում է 2-ից մոտ 6 տոկոսի սահմաններում:
Իրանի նավթի նախարար Ջավադ Օջին այս կապակցությամբ ասել է.«Վերջին զարգացումները և տարածաշրջանի ու արտատարածաշրջանային երկրների հետ Իրանի էներգետիկ դիվանագիտությունը ցույց են տալիս, որ Իրանի դեմ ճնշող պատժամիջոցներն անարդյունավետ են եղել և չեն կարողացել անգամ չնչին ընդհատումներ առաջացրել նավթի ու նավթամթերքի արտադրության և արտահանման գործում: Աշխարհը քաջատեղյակ է, որ Իրանն ունենալով նավթի ու գազի պաշարներ, առաջին երկիրն է,որն ի վիճակի է ապահովել աշխարհի բնակչության էներգետիկ կարիքների մեծ մասը»։
Վենեսուելայի նախագահ Նիկոլաս Մադուրոն նույնպես հայտարարել է, որ Վենեսուելայի դեմ տնտեսական պատերազմի մեկնարկից ի վեր 2021 թվականն այս երկրի տնտեսական աճի առաջին տարին է, և որոշ կանխատեսումների համաձայն՝ այդ երկրի տնտեսական աճը կկազմի հինգ տոկոս:
Այս հանգամանքները ցույց են տալիս, որ Իրանի կամ Վենեսուելայի նկատմամբ ԱՄՆ-ի պատժամիջոցների քաղաքականությունը բարդացրել է միջազգային էներգետիկ շուկայում առկա խնդիրները, հատկապես այժմ երբ ընթանում է Ռուսաստան-Ուկրաինա պատերազմը և դադարել է ռուսական նավթի ու գազի արտահանումը, ԱՄՆ-ն և նրա դաշնակիցներն առավել քան երբևէ իրանական ու վենեսուելական նավթի կարիք ունեն: Այդ պատճառով Վենեսուելայի կողմից նավթ միջազգային շուկաներ մատակարարվելու հարցով ԱՄՆ-ն քայլեր է ձեռնարկել Վենեսուելայի հետ բանակցություններ վարելու համար: Ամերիկյան պատվիրակությունը ժամանել է Վենեսուելա՝ բանակցություններ վարելու երկկողմ ծրագրի շուրջ:
Իրանի վերադարձը համաշխարհային շուկաներ դիտարկվել է նաև եվրոպացի պաշտոնյաների կողմից, այն աստիճան, որ Ֆրանսիայի նախագահը պահանջել է իրանական նավթը վերադարձնել համաշխարհային շուկաներ։
Համենայնդեպս էներգետիկայի ոլորտում Արևմուտքի պատժամիջոցների քաղաքականության ձախողումն այժմ ավելի ակնհայտ է, ինչպես Ատլանտյան խորհրդի վերլուծական կենտրոնն է իր վերջին զեկույցում ընդգծել.«ԱՄՆ-ի «առավելագույն ճնշման» քաղաքականությունն այլևս կիրառություն չունի մի աշխարհում,որտեղ տիրում է նավթի դեֆիցիտ և պետությունները ձգտում են շրջանցել պատժամիջոցները»:
parstoday.com