Թեհրանի հայոց Ս․ Սարգիս եկեղեցում՝ Արժ. Տ. Արիստակես քհն. Շամիրյանին շնորհվեց լանջախաչ կրելու արտոնություն։
Hayazd.com. Կիրակի, թվականիս հունիսի 19-ին, Թեհրանի հայոց Ս. Սարգիս մայր եկեղեցում մատուցվող սուրբ և անմահ պատարագի ընթացքում ընթերցվեց Ն.Ս.Օ.Տ.Տ. Արամ Ա. Կաթողիկոսի հայրապետական կոնդակը, որով հընդառաջումն Թեհրանի հայոց թեմի առաջնորդ գերշ. Տ. Սեպուհ Ս. արք. Սարգսյանի վկայության ու խնդրանքի, Արժանապատիվ Տ. Արիստակես քհն. Շամիրյանին շնորհվեց քահանայական լանջախաչ կրելու արտոնություն:
Արժ. Տ. Արիստակես քհն. Շամիրյանը երկար տարիներ է, ինչ ամենայն պատասխանատվությամբ ու նվիրվածությամբ կատարում է քահանայական գործունեությունը, և վստահաբար այսուհետ ևս, սույն պատվին արժանանալով, առավել նվիրումով կշարունակի իր ծառայությունը հայ եկեղեցուն ու հայ ժողովրդին:
Այսու շնորհավորելով Արժանապատիվ Տ. Արիստակես քհն. Շամիրյանին, քաջառողջություն և անսպառ ուժ ու կորով ենք ցանկանում նրան: