Ուկրաինայի հարցով կոնտակտային խմբի՝ մոտ 50 պետությունների ներկայացուցիչների մասնակցությամբ երրորդ նիստը քննարկել է Ուկրաինային հետագա ռազմական օգնության հարցերը։ Իր հերթին, ԱՄՆ նախագահ Բայդենը հայտարարել է աջակցության նոր փաթեթի մասին, որով արդեն նախատեսվում է հեռահար հրթիռային համակարգերի մատակարարումը։ Առաջիկա շաբաթներին ուկրաինացիները կստանան առաջին հեռահար զենքերը։

Ռուսաստանին հատկապես մտահոգում են այս համակարգերը, քանի որ դրանք ռուսական անալոգներին գերազանցում են ճշգրտությամբ եւ հեռահարությամբ։ Ուկրաինան տեւական ժամանակ պահանջում էր նման զենքեր՝ ռազմաճակատում «պարիտետը» հաստատելու համար, նշելով, որ ռուսները տասնապատիկ առավելություն ունեն։ Մատակարարվող համակարգերի քանակը բավարար չէ, բայց ուկրաինական բանակին հնարավորություն կտա զսպել ռուսական առաջխաղացումը։

Մոսկվան հայտարարել է, որ ամերիկյան մատակարարումներն «ավելի են բարդացնում Ուկրաինայի վիճակը»։ «Բլից կրիգը», կամ ինչպես պաշտոնապես է հայտարարվում՝ հատուկ գործողությունը ձգվում է արդեն գրեթե 4 ամիս, Ռուսաստանն անձնակազմի ու տեխնիկայի խոշոր կորուստներ է կրել։ Ռուսաստանի նյարդային արձագանքները նոր սպառազինության մատակարարումների կապակցությամբ հասկանալի է՝ ոչ ոք Ուկրաինայի ՀՕՊ-ը չի անջատում, Ուկրաինայում ներդրված ագենտուրայի քայքայիչ գործողունեությունն ու պրոպագանդան արդյունք չեն տվել, ուկրաինական ռազմա-քաղաքական ղեկավարությունը եւ քաղաքական հիմնական ուժերը չեն համաձայնում կապիտուլյացիայի եւ տարածքներ խաղաղության դիմաց առաջարկներին, չնայած Մակրոնի եւ Շոլցի ջանքերին։

Ուկրաինան դժգոհում է մատակարարումների քանակից ու տեմպից, միեւնույն ժամանակ, փորձագետներն Արեւմուտքի գործողություններում նկատում են Ռուսաստանին երկարատեւ ու մաշող ռազմական դիմակայության մեջ պահելու միտումը։ Նոր հեռահար սպառազինության մատակարորումն Ուկրաինային մեծացնելու է ռուսական կորուստները։

lragir.am