ՀՄՀՖ կենտրոնը ընդունեց իրանահայ հասարակական գործիչ և թարգմանիչ Հայրիկ Խոդաբախշյանին
Կիրակի մայիսի 29-ին, ՀՄՀՖ-ի կենտրոն էր այցելել իրանահայ հայտնի հասարակական գործիչ և թարգմանիչ Պարոն Հայրիկ Խոդաբախշյանը։
Հարգելի հյուրին կենտրոնում դիմավորեց ՀՄՀՖ-ի վարչության փոխնախագահ Զարիկ Ավոյանը։ Հանդիպումը տեղի ունեցավ շատ ջերմ մթնոլորտում։
Հանդիպման ընթացքում քննարկվեց Իրանահայ համայնքի ներկա հասարակական և մշակութային իրավիճակը և «ՀՄՀՖ»-ի վարչույան հիմնադիր անդամ Զարիկ Ավոյանը հարգելի հյուրին մանրամասն բացատրություն փոխանցեց ՀՄՀՖ-ի և «Ս․ Մարիամ Աստվածածին Բարեգործական» կենտրոնի կողմից իրանահայ հասարակության մշակութային զարգացման և բարեգործական նպատակների ուղղությամբ տարվող աշխատանքների մասին։
Պարոն Հայրիկ Խոդաբախշյանը ջերմորեն ողջունեց «ՀՄՀՖ» և «ՍՄԱԲ» կենտրոնի կողմից համայնքում ծավալված հայանպաստ ու մշակութային գործունեությունը և խոստացավ իր հնարավորությունների սահմաններում աջակցել զույգ կենտրոնների ազգանվեր ու բարեգործական գործունեությանը։
Այնուհետև հարգելի հյուրը կենտրոնին ներկայցրեց իր թարգմանած երեք նոր գրքերը։
Հանդիպման ավարտին կողմերը պայմանավորվեցին առավել խորացնել ու ընդլայնել համագործակցությունը և փոխհետաքրքրություն ներկայացնող ոլորտում ներգրավել համայնքի կարող ուժերին ավելացնել շփումները հայ հասարակության հետ և օգնել իրանահայ համայնքի , հասարակական, սոցիալական, կենցաղային ու մշակույթային զարգացման ուղղթյամբ «ՀՄՀՖ»-ի և «ՍՄԱԲ» կենտրոնի կողմից ծավալվող աշխատանքներին։