Այաթոլլահ Խամենիի․ Իսլամական Հանրապետությունը առաջադիմում և զարգանում է
Parstoday.com-ի հաղորդմամբ Այաթոլլահ Խամենին նշել է.«Բացի բոլոր երկրներում տիրող պայմաններից, Իրանը կրոնական ժողովրդավարության նոր մոդելի ներկայացման շնորհիվ տապալել է հեգեմոն համակարգի հավասարումները և տարբեր ոլորտներում բախվում է համաշխարհային ուժերի հետ»:
Հեղափոխության գերագույն առաջնորդը նշել է, որ 1978 թվականին Իրանի իսլամական հեղափոխության հաղթանակը ոչ միայն խաթարեց Արևելքի և Արևմուտքի ուժերին հետևելու վրա հիմնված միջազգային համակարգը, այլև իսլամի շահի և կրոնական ժողովրդավարության ներկայացման շնորհիվ դարձավ նոր և ազատագրող մոդել այլ երկրների, այդ թվում՝ մուսուլման ժողովուրդների համար: Այդ պատճառով, Իսլամական հեղափոխության հաղթանակից ի վեր, Իրանի նկատմամբ հեգեմոն համակարգի թշնամանքը շարունակվել է և ութ տարի տևած պատերազմի պարտադրմամբ ու լայնածավալ տնտեսական և ռազմական պատժամիջոցների կիրառմամբ, փորձ է արվել կանխել Իսլամական Իրանի առաջընթացն ու աճող հզորությունը:
Արդյունաբերական, ռազմական և գիտական տարբեր ոլորտներում Իրանի առաջընթացը ցույց է տալիս, որ Իսլամական հեղափոխության նպատակները ճիշտ ուղու վրա են, և թշնամիների համակողմանի ճնշումը չի կարողացել զսպել Իսլամական Հանրապետության ուժը:
Իսլամական հեղափոխությունից հետո Իրանը կարողացավ շարժվել կախվածությունը նվազեցնելու ուղղությամբ և հիմա, պատժամիջոցների պայմաններում, որոշ տնտեսական ցուցանիշների, ինչպիսիք են ՀՆԱ-ի աճը և արդյունաբերական, միջուկային, օդատիեզերական և գիտական առաջընթացը վկայում են իմպերիալիզմի և թշնամիների դեմ դիմակայության ճակատում Իսլամական Իրանի հաջողությունների մասին: Ըստ միջազգային գիտական շրջանակների զեկույցների Իրանում գիտական առաջընթացի արագությունը 11 անգամ գերազանցում է աշխարհում գիտության միջին աճի տեմպին: Իսկ գիտության համաշխարհային արտադրության մեջ Իրանի մասնաբաժինը 1998 թվականին 0,07 տոկոսից 2020 թվականի աճել է 2 տոկոսի։ Գիտության համաշխարհային արտադրության մեջ Իրանի մասնաբաժինը բնակչության համեմատ աճել է ավելի քան երկու անգամ։
Ակնհայտ է, որ այս առաջընթացները և հաջողությունները պահանջում են հեղափոխական և ջիհադական հետևողական կառավարում:
Հեղափոխության գերագույն առաջնորդն ասել է.«Այսօր մեր սիրելի հայրենիքը ծարավ է ծառայության և պատրաստ է թռիչք կատարել բոլոր ոլորտներում և կարիք ունի գրագետ կառավարման, ջիհադի, գիտելիքի և քաջության, որպեսզի կարողանա մոբիլիզացնել ժողովրդի, հատկապես երիտասարդության ակնհայտ ու թաքնված կարողությունները և նրանց բերել աշխատանքի և կառուցողական ջանքերի դաշտ»:
Այաթոլլահ Խամենեին Իրանի իսլամական խորհրդարանի անդամների այսօրվա հանդիպման ժամանակ անդրադառնալով Իսլամական Իրանի հաջողություններին և առաջընթացին հավելել է.«Խորհրդարանի անդամները, կառավարությունը, դատական և այլ պետական մարմինները պետք է իմանան, որ ներգրավված են մեծ և կարևոր վարչակազմում և համապատասխանաբար մեծացնեն իրենց հոգածությունը»: