Ռայիսի․Ազատ առևտրի գոտիների ստեղծման նպատակը արտադրության և տնտեսական կարողություններից առավելագույնս օգտվելն է
parstoday.com-Իրանի Իսլամական Հանրապետության նախագահը բացումն է կատարել ազատ առևտրի, արդյունաբերական և հատուկ տնտեսական գոտիների տարբեր նախագծերի:
Ազատ և հատուկ տնտեսական գոտիներում 82 արդյունաբերական, շինարարական և գյուղատնտեսական նախագծերի բացման արարողությունն անցկացվել է տեսակոնֆերանսի ձևաչափով:
Իրանի Իսլամական Հանրապետության նախագահ Սեյեդ Էբրահիմ Ռայիսին հինգշաբթի օրը տեսակոնֆերանսի ձևաչափով բացումն է կատարել ազատ առևտրի, արդյունաբերական և հատուկ տնտեսական գոտիների տարբեր նախագծերի։
6100 միլիարդ թուման ներդրմամբ այս նախագծերը շահագործման կհանձնվեն Ղեշմում, Քիշում, Անզալիում, Մակույում, Փարսիանում, Սահլանում, Բուշեհրում, Լորեստանում, Լամերդում և Նամինում։
Այս նախագծերը կստեղծեն ավելի քան 8000 աշխատատեղեր:
Մայիսի 19-ին Իրանի նախագահ Սեյեդ Էբրահիմ Ռաիսին 82 արդյունաբերական և քաղաքացիական նախագծերի շահագործման արարողության ժամանակ ասել է.«Եվրասիական տարածաշրջանի հետ գործակցության ընդլայնումը կարևոր է Իրանի համար, ուստի ազատ և հատուկ տնտեսական գոտիների գործողություններն այս տարածաշրջանում կարող են հիմք ստեղծել հարևան երկրների հետ տնտեսական և առևտրային փոխգործակցության մեծացման համար»:
Ռայիսին հավելել է. «Ազատ առևտրի գոտիների ստեղծման նպատակը արտադրության, զբաղվածության և տնտեսական գործունեության համար առկա կարողություններից առավելագույնս օգտվելն է»։
Իրանի նախագահն ասել է. «Ներքին և օտարերկրյա ներդրումները և արտադրողականության բարձրացումը տնտեսական աճի երկու հիմնական պայմաններն են, արտադրողականության բարձրացման և մասնավոր հատվածի ներդրումների բարձրացմանն ուղղված ցանկացած գործողություն պետք է դիտարկել հատուկ ուշադրությամբ»:
Ռայիսին նշել է. «Ազատ տնտեսական գոտիների գործունեությունը հիմնականում սահմանամերձ տարածքներում է, և մենք երկրի տարբեր նահանգներում ունենք բազմաթիվ ունակ և կրթված ուժեր»։