Apple-ը հայտարարել է իր iPod Touch երաժշտական նվագարկիչի արտադրանքը դադարեցնելու մասին՝ նշանավորելով այն սարքի ավարտը, որը մեծ ճանաչում էր ձեռք բերել՝ երաժշտություն լսելու ձևի հեղափոխության, հայտնում է BBC-ն:
Երբ 2001 թվականին թողարկվեց առաջին iPod-ը, այն կարող էր պահել 1000 երգ: Այսօր Apple-ի հոսքային ծառայությունում կա ավելի քան 90 միլիոն երգ:
iPod Touch-ը մշակվել է նույն թիմի կողմից, որը հետագայում հայտնագործեց iPhone-ը, ինչն էլ շատ շուտ ստվերեց iPod-ը:
Apple-ը iPod-ը վերջին անգամ թարմացրել է 2019 թվականին։
Աղբյուր՝ armradio.am